استميحكم عذراً على هذه المساحة
ماكان لي ان أسطو عليها لولا اصرار تركي العثمان
لكم
وله
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
لحظه ابشغل حظي بْباقي سنيني=وليا لهى فيها ....تغيفلته وجيتك
انصاك مسرع تسبق اشواقي حنيني=بجيك حيٍّ..؟؟
لا..
بجي والله ميتك..!!
ياعلّني ارتاح ..وايديك فـ يديني =وتنساني الدنيا ورى جدران بيتك
القاك واقف ياغلاي وتحتريني=وتقول وش بك.. يابعد عمري بطيتك.؟؟
وأقول احلم ..أو هي طيوفك تجيني=ماتاسَع الفرحه ضلوعٍ به كميتك
متخالطٍ شكي بلحظات اليقيني=أفرك عيوني ...ماني مصدق لقيتك..!!
وتلف بمتوني يديك وتحتويني=وتصحى بقايا فرحتي يوم احتويتك
احضنك تايه وانشد البسمات ويني=هي جنة العشاق طاولت وهنيتك.؟؟
واخذك منّك واسألك بيني وبيني=هو انت تهواني كثر ماني هويتك.؟؟
ألقى جوابك حرك المكنون فيني="داخل ضلوعك ..ضمني لاما دفيتك"
واحس في صمتك ترانيمٍ تبيني=واقول لاتحكي من عيونك قريتك
وابل قلبي لين مايرواك طيني=واختم على مافات من عمري رويتك
وتهمس لي ياغلى من نطق... حبّي وضنيني=واجي لك اصدق من عطى..
كلي فديتك
مني تبي بس قلبي وروحي وعيني=يامهجه الدنيا قبل تطلب عطيتك
ليتك بدال الحزن مكتوب بجبيني=اووااه مابرّد لضى المشبوب ليتك
وان جت على ليتك.. من هناك انت ليني=مبْعدْكِ عني ولانْطفى بالبعد ليتك
ياحظ دوك اللي بقى لي من سنيني=واترك لنا لحظات...
ياحظي رجيتك
مابي سوى لحظات
ياحظي رجيتك
[/poet]
وسلامتكم