[نايف عالي]

لسلاام عليكم
بوصفكم اخوان واعز ان شاء الله احببت ان اشرككم في هواجيسي وما يدور في بالي من متضادات متشابهات بثوب قصيده ارجوا ان تنال على استحسانكم حتى وان كانت صعبة الفهم لان لهذه القصيده اسبابها الخاصه التي جعلت بعض بيوتها تتضاد وتناقض بعضها والنقد مقبول وشرهتكم عالي بيزعل
الخاطر الي ضايقن من اسبوعيـــــــن
.... لو اشرح الاسباب تشره عليـــــــــه
جمله تحتها خط مابين قوسيــــــــــــن
....تحمل اشارات ورموزن خفيـــــــــه
سؤالها وشلون كيف وحصل ويــــــــن
.... والسر فيها احساس بالعاطفيــــــــه
جرت وصارت حادثة عالم الالفيــــن
.... لكن تقول احداثها جاهليــــــــــــــه
فيها اختلاف الراي مابين شخصيـــن
.... وفيها خوين ما يراعي خويـــــــــه
اول طرف فيها على نفسه يعيــــــــن
.... وثاني طرف ما يعرف المرحميــه
انا افتهمها حين وابلش بها حيــــــــن
.... وان جيت اهيجنها لحن سامريــــه
مرسوم فيها شمس ما بين بحريـــــن
.... ولون الشفق في حزة المغربيــــــه
كنه يودعها على خط برليـــــــــــــن
.... معدوم فيها عامل الجاذبيــــــــــــه
لا صار تتعذر بدمعه من العيــــــــن
.... تبكي قهر من ظلم فتوى القضيـــه
من ما يعرف شعار نخله وسيفيـــــن
.... ومن ما سمع في قصة العامريــــــــه
من شكلها ما ذكر بالهند والصيــــــن
.... والي بقى ذكرى وحق ووصيـــــه
يازاع الرمان والخوخ والتيـــــــــــن
.... احذر رياح الصيف والموسميـــــــه
يقولها الي ما حضر حرب تشريــــن
.... ما عاصر النكبه ولا العالميــــــــه
لكن يعرف العسر ويميز الليــــــــــن
.... قاسى وعاش ظروف جدن قويـــه
يفهم ويعرف معركة يوم حطيـــــــن
.... ويبخص مساري الليله السرمديــه
من كثر ما جرب معه خبرة سنيــــــن
.... يدل ليلن طرقته مهمهيـــــــــــــــه
حتى انقسم عمره بدنياه قسميـــــــــن
.... الشر هو والخير هذا وذيــــــــــــه
ومر بحياته مرحله بين ذنبيـــــــــــن
.... ذنب الاثم والاثم ذنب وخطيـــــــه
كلمات وشدعوى وآسف وبعديـــــــن
.... يعرف معانيها باسس واقعيـــــــــه
وبحر الهوى والحب مفتاح بابيــــــن
.... في عالم الاحساس والشاعريـــــــه
العمر كله وقت مابين شوطيــــــــــن
.... يحتاج له تشجيع للمعنويــــــــــــــه
مثل الكريم اليا طلبته لك يعيــــــــــن
.... والا الردي تاتيك منه الرديــــــــــه
والكنز عند الي يحافظ على الديـــــن
.... لو كان ما يملك لنفسه مطيـــــــــــه
الشهر يعرف من هلالن له يبيـــــــن
.... والارض كوكب وضعها دايريـــــه
حتى المقام المختلف بين كسريــــــن
.... يرفض تجمعهن بوقتن سويـــــــــه
ترا النظر والشوف كله من العيـــــن
.... والرجل ماهو رجل لولا الحميـــــه
طبعن كلام الظن مصدره تخميــــــن
.... خارجه يكفي زيف عن داخليــــــــه
مثل الغلى لا صار ما بين قلبيــــــــن
.... يشبه ورودن شكلت مزهريــــــــــه
مافي قلب الا بدم وشراييـــــــــــــــن
.... والكاين اصله بدايته من خليـــــــــه
ويسار يفرق باتجاهه عن يميــــــــــن
.... والشمس منها الظل والظل فيـــــــه
والسر ما يدري به اكثر من اثنيـــــن
.... ودرس اللغه ما يسبق الابجديــــــه
وياقشر حظ اللي وقع بين ناريـــــــن
.... يذوق قبل الموت طعم المنيـــــــــه
من يجهل ان اصله ترابن معه طيــــن
.... هذاك يملك نفس جدن دنيــــــــــــه
خصيت من عاشوا بلا قلب ساليـــــن
.... نسوا عبادة رب كل البريــــــــــــه
ويالله يا قابل صلاة المصليــــــــــــن
.... يالواحد المعبود جزل العطيـــــــــه
يا رب ترحم من لرحمتك راجيـــــــن
.... وبدل لهم حسنات في كل سيــــــــه
قنعت بالمكتوب بالقدر راضيـــــــــن
.... عسى الولي يحسن عمل كل نيـــــه
وان قمت اعاند هاجسي صرت ما بين
.... آخر مداها واسبق الاوليــــــــــــــه
وآخر كلامي يفرق الشين والزيــــــن
.... مثل الكديش بفرقها والعبيــــــــــــه
وختامها فل وبنفسج وياسميـــــــــــن
.... ومادون حلقي غير مسكة يديـــــــه

[ يناير 30, 2002: تم تعديل الموضوع بواسطة : السلنتحي باشا ]