السلام عليكم ورحمة الله وبركاته
ومساكم ورد انشاءالله
اتمنى ان تنال هذه المتواضعه بعضاً من استحسان اذواقكم
الراقيه ... والعذر مقدما على تقصيري معكم ومع الشعر
[poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
بين هوجاس الخيال وبين هوجاس الحقيقه=نفس يغريها التمادي لين هامت والتقت به
صار يدفعها وحلت بين هم وبين ضيقه=ضيق الله صدرها من يوم حلت ضيقت به
غررت بالشعر حتى الشعر غناها عشيقه=منه تدفى الشمس في لحنٍ تهادت واشرقت به
واستثارت عشقها الماضي وذكراها العتيقه=اغرقتني واغرقت شعري وبعدين اغرقت به
ماتت احروفه عليها واصبحت فيها غريقه=ليتها قدام تقبرها العذوبه دققت به
غانيه والحسن فيها غير عن حسن الخليقه=حسنها سم النفوس وعشقها نفسي شقت به
واعلن العصيان رمشٍ فيه نشوه مستفيقه= من بدايات الغرام ابقلبها يوم اعشقت به
سلهمت والشعر من سلهامها ثار ابدقيقه=ابتدت بالشعر قبل الشعر يبدا غلقت به
واستتاب الشعر فتنتها على نفس الطريقه=بس مازالت على سلهامها لين اطرقت به
منك ميزان القصيده شال شيٍ مايطيقه=وإن قصر فالمستوى فتنتك يالغيداء رقت به
اصعدي به لين يصبح فالمجالات العميقه=علميني بعد مايطلع وش العالم لقت به؟
وانثني له لين يسكن في ملامحك الرقيقه=هكذا عشق النفوس وهكذا نفسي هقت به
شاعرٍ يغريه حسنك قدم اشعاره عقيقه=علقه سلهام رمشك يوم عينك برقت به
بين ضرب من الجنون وبين شي من الحقيقه=الوكاد النفس واعدها غرامك والتقت به
[/poet]
وســلامتــكم,,,