|
اعجاااااااااب الى ابعد الحدود
نواف الشمري
صح لسانك يا ابوحمود
ما هذا لله درك
سلم بنانك وفكرك
كان ودي اختار بيت بس ما ابغيت ابخس حق اخوه
حبيبي قبل ماتطلع ترى كان السهر محظور
........................ ولكن طلعتك خلت جميع الناس سهرانه
حبيبي والصباح اللي بعينك ساقني مجبور
....................... اشوف الدنيا بعيونك واشوف الخلق فرحانه
حبيبي بمملكة عينك تباهى عاصمة بللّور
....................... تخلي كوكب الأرض يتباهى بين جيرانه
حبيبي علّم النجمه تدور اليا بغيت اتدور
....................... حبيبي علّم الطيف يتناسى عندك الوانه
حبيبي قوم علّمني عن اسباب انتحار النور
.................... حبيبي قوم علّمهم من اللي ذا على شانه ؟!
حبيبي ذوّق السكر طعم ثغرك من المخمور
.......................... حبيبي وانفض غبار السوالف واقطع لسانه
حبيبي غيّر الدنيا بنظره ..واكشف المستور
.......................... حبيبي خل هالدنيا تعيش بواقعك... دانه
حبيبي وتركض ابيات القصيده للعيون الحور
.......................... حبيبي وتحرق انوار المسافه جمرة اوجانه
حبيبي لو تبي تسولف تفضل هاتها مشكور
.............................. عصافير ٍ بها صوتك يردد أعذب ألحانه
حبيبي ابتسم واجبر من الدنيا جزء.. مكسور
............................. حبيبي وارض لي ليلي مدام ان القمر خانه
حبيبي وارخ له رمشك بــ..ـاحس ان القمر مقهور
............................... حبيبي واجلس قباله لاجل ماينتقص شانه
حبيبي يوم انا شفتك بذاك المشهد المغرور
............................... كأني عايش بدنيا .. تقدّس لمحة اجفانه
تذكرت الغرام اللي بناله بالخفوق اقصور
................................ وتبعثر كاهل البوح وغديت اوراق عطشانه
.
.
.
.
.
حبيبي والسهر قبلك ترى ماكان له جمهور
................................ ولكن سهرتك خلت جميع الناس ... سهرانه
|