صبحك الله بالخير اختي الجازي
والله موضوعك حلو .. وشدني .. وودي اطرح وجة نظري فيه
بالنسبه لتوم كروز ونيكول او ديانا او تشارلز او كل المشاهير عموما .. فاحب اقول انه ماهم مقياس حقيقي لهالموضوع .. والسبب هو ان جو الشهره والاضواء .. جو غير مستقر جدا ً ... فناخذ نيكول وتوم مثلا ً ... هذا يروح يصور فلم لمدة شهر او شهرين واذا رجع راحت هي تصور وجلس هو لحاله ... هذا له معجبين كثير الله ياخذ عمره ( قاهرني ) وهالشي يسبب الغيره والشك لنيكول ... وهي نفس الطريقه .. الخ .
فعشان كذا نبي نقيس علينا ياللي الواحد ما يعرفه الا خمسه ونصفهم بالدوام , والحرمه مايعرفها الا صديقه وحده من ايام الابتدائي وخمس بالجامعه ...
مشكلتنا وانا اخوك ان الرجال يحسبون كلمة احبك للزوجه عيب وهذا كلام مراهقين وانا افعالي هي اللي تدل على حبي ماهو كلامي <<<< ناوي طقاق الاخ .
ومشكلة الحرمه .. انها دايم تبين للزوج ان زوجات الناس عايشين احسن منها ( ما شاء الله على ابو فلان سافر بزوجته لماليزيا <<< هذي حلم كل زوجين يسمعون بالرومنسيه والخضره ( مادرو انها من كثر السعوديين طلعت كنها حديقة الملك فهد
)
والله يالجازي المشاكل كثير والروتين في الزواج يقتل والشده تنّفر والدلع يخرب وان عطيت اليوم لازم بكره تعطي اكثر ( ابن ادم طماع )
والموضوع بيطول وشكلي زودتها
ولكن اذا كان الموضوع هادف
لازم الواحد يرد
وشكرا وانا اخوك
واسف لللاطاله