مدخل :
لم تستطع الإختباء أكثر ..
فآثار دماء الفراق بها ... قد لوثت المكان بالكآبة !
وأنتشرت إلا أن وصلت طاولة الرجاء !!
كقطرات حزن ٍ تخدش حياء الورق بتبليل ركنه
بداية :
[poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
تطيح من السماء حزمة خيوط ٍ تكسر الديجور=ويجمعها الفجر ويخيط منها اول ثيابه ..!!
وتبدا ضحكة الأرض إتجلى في ثغر عصفور= نفض عنه غبار الأمس وأكمل ماتـعـنـّـابه ..
وتطرق نسمة الصبح البهي شباكي المكسور= تبي تبدا طقوس من الكلام فــ جو يتشابه ..!!
تحسب أن الجميع ان قابله.!؟ بـيـقابله مسرور= وماتدري عن اللي خافي ٍ بالقلب وأسبابه ..
على العادة حبيس بغرفتي آرتب المســـــــــتور=وفرشي ماوعيــــت إلا بوقع أقدام تاطابــــــه
أثاريه الفجر يسبر مكان ٍ مظـــــــلم ٍ مهجــــور= بــــــــــــوقت إن السواد أخفى ملامح زخرفة بابه
يلامس ركني الغايب عن الوعي لثلاث شهور=يريد يفتش أدراج الزمان ويعرف مصابه ..!؟
بغيت آخبره بان الوســـاوس تــســتحل الدور=وشريان الغلى سافر لسد الدين لأصحـــــــــابه
هناك .. هنااك في صحراء المواجع طـُـبق الدستور= على قلب أنجرح .. و أُطــلق سراح العين وأهدابه
حسافة .. يالصحيح اللي بدى يشفق عليك النور= رهنت أسمك لجل تكفي الغرام بكامل حسابه
وردت من الغضب .. لين أستباحك والسبب.. مغرور= فلت حبل الوصال وكسر المجداف بغيابه
تذكر !! كم تحملت الثـــقــال الموجـــعـــة مجبــــور= عشان العشق..ورياح الغرام .. اللي تهزى به
يقولون الأسى يوم إيتسلل للورق .. معذور= لقى حبر العمر مقدي بنفخ الكير وأطيابه
تلفت لي !؟... وفي كفه رسالة طائر ٍ مأسور= تبيح من الكنين اللي يهز القلب وأطنابه
رسالة من سطر واحد عليها من التعجب سور= تعبر عن مدى كره القلم .. لموادع احبابه ..!!
(( تذكرني ..إذا تاه البياض بزحمة الديجور ..!!=.وتذكرني ..إذا شفت النهار أنشقت ثيابه ..!!))
[/poet]
نهاية :
فمان الله !!
إعتذار :
لكم وللشعر نفسه ..
أخوكم:
.. عبدالله التميمي ..