شعبيات - مشاهدة مشاركة بصفحة مستقلة

هبايب نجد · 27-06-2003, 14:42

يا ونتاه اللي برت جسم حالي

................ بري الدبا نبنوب غصن تغشلاه

على عشير بالموده صفــــالي

..............وأزريت انوش حماه وانا اتعداه

غرو جبينه مثل خط الـــهلالي

.................... سبحان رب صوره لين سواه

وحياة رب كمله بالجمــــالي

................ من مفرق الهامة الى حد ماطاه

انه منول وامس واليوم غالـي

................. واتلى زمانه بالغلا مثل مبداه

ماله حلى الا مودة عــــيالي

....................اصغر عيالي بالغلا كنه اياه

لاابطيت ما شفته وهو ما عنا لي

................ عفت المكان اللي يغيضه ويجفاه

لو دلهوني عنه مانيب سالـــي

..................اشفق على شوفه واسولف بطرياه

شوفه دواي وقل شوفه زوالـــي

................... حكيم طٌب جامــع داه ودواه

حقٌه علي الى تزخرف قـــبالي

.................ابعد مزاره بالهوى وأتمناه

وحقي عليه الى اعترض له مجالي

.............. يصفح ويلقاني على الطول والقاه

مابه من العذروب عنق الغزالي

..................الا الزمان اللي حداني وعدٌاه

ريقه حلا من درٌ عفر متــالي

.................. لا روحٌن من مدفق سال مجراه

هبٌي بريحه يا هبوب الشمالي

................كود الجنوب ومطلع الشمس تنصاه

عبث صبيت لعشرته من صبا لي

...................سجلي بنجله والموٌده مجازاه

ياما وياما فرقتنا الليالي

....................نجع مقيم وفرٌق البعد لاماه

اقفت مراحيله وانا اقفت رحالي

...................خليت مداهيله وعميت ركاياه

وخان الزمان بعشرته والتوالي

.....................ورٌثت من يصفق شماله بيمناه

وعضٌيت يسرة شاهدي من هــبالي

....................وونيت ونة من نقل داه برداه

اسهر الى نام المعافى لحالي

....................والصبح اجدد ذكر حمام واسماه

هني دحش دب الايام سالـــــي

.....................ماولٌعه طرد العماهيج واغراه

ولا صلاه من التصاريف صــــالي

....................وذاق الفراق وتاه مثلي بمسراه

يا طول ما طاوع نسيم الهوى لي

...................من قبل يبدى لي من الوقت مجفاه

واعتضت من عقب الجديد السمالي

....................ولا ينفع الفايت ولو قيل ما حلاه

ليتي قريب له وبيته مولـــــي

.......................والعلم من بيتي لبيته مناجاه

ان كان له بمواجهي مثل مــالي

.......................وقلبي معه يبراه والهم يبراه

والا تراني عنه طاون حبالــــي

.......................يلقى وانا القى واح كنٌه اياه

مانيب من يتبع خفيف الخيــالي

......................الىتحدٌر بارقه عفت مرعــــــاه

هذا وصلٌوا عد رمل السهــــالي

......................على نبي شيع الدين واحيــــاه

وآله وصحبه كلهم بالكـــمالي

.....................واللي تبع سنة نبيه ومجـــراه

سليمان بن شريم

27-06-2003, 14:42	#1
هبايب نجد عضو شعبيات	من قصائد سليمان الشريم رحمه الله يا ونتاه اللي برت جسم حالي ................ بري الدبا نبنوب غصن تغشلاه على عشير بالموده صفــــالي ..............وأزريت انوش حماه وانا اتعداه غرو جبينه مثل خط الـــهلالي .................... سبحان رب صوره لين سواه وحياة رب كمله بالجمــــالي ................ من مفرق الهامة الى حد ماطاه انه منول وامس واليوم غالـي ................. واتلى زمانه بالغلا مثل مبداه ماله حلى الا مودة عــــيالي ....................اصغر عيالي بالغلا كنه اياه لاابطيت ما شفته وهو ما عنا لي ................ عفت المكان اللي يغيضه ويجفاه لو دلهوني عنه مانيب سالـــي ..................اشفق على شوفه واسولف بطرياه شوفه دواي وقل شوفه زوالـــي ................... حكيم طٌب جامــع داه ودواه حقٌه علي الى تزخرف قـــبالي .................ابعد مزاره بالهوى وأتمناه وحقي عليه الى اعترض له مجالي .............. يصفح ويلقاني على الطول والقاه مابه من العذروب عنق الغزالي ..................الا الزمان اللي حداني وعدٌاه ريقه حلا من درٌ عفر متــالي .................. لا روحٌن من مدفق سال مجراه هبٌي بريحه يا هبوب الشمالي ................كود الجنوب ومطلع الشمس تنصاه عبث صبيت لعشرته من صبا لي ...................سجلي بنجله والموٌده مجازاه ياما وياما فرقتنا الليالي ....................نجع مقيم وفرٌق البعد لاماه اقفت مراحيله وانا اقفت رحالي ...................خليت مداهيله وعميت ركاياه وخان الزمان بعشرته والتوالي .....................ورٌثت من يصفق شماله بيمناه وعضٌيت يسرة شاهدي من هــبالي ....................وونيت ونة من نقل داه برداه اسهر الى نام المعافى لحالي ....................والصبح اجدد ذكر حمام واسماه هني دحش دب الايام سالـــــي .....................ماولٌعه طرد العماهيج واغراه ولا صلاه من التصاريف صــــالي ....................وذاق الفراق وتاه مثلي بمسراه يا طول ما طاوع نسيم الهوى لي ...................من قبل يبدى لي من الوقت مجفاه واعتضت من عقب الجديد السمالي ....................ولا ينفع الفايت ولو قيل ما حلاه ليتي قريب له وبيته مولـــــي .......................والعلم من بيتي لبيته مناجاه ان كان له بمواجهي مثل مــالي .......................وقلبي معه يبراه والهم يبراه والا تراني عنه طاون حبالــــي .......................يلقى وانا القى واح كنٌه اياه مانيب من يتبع خفيف الخيــالي ......................الىتحدٌر بارقه عفت مرعــــــاه هذا وصلٌوا عد رمل السهــــالي ......................على نبي شيع الدين واحيــــاه وآله وصحبه كلهم بالكـــمالي .....................واللي تبع سنة نبيه ومجـــراه سليمان بن شريم