[عبدالله البكر]

يقول :
احبك وأعشقك ..
وماأعشق سواك من البشر ..

وصدقني لو تبعد بعيـــــــــــد ..
أبنتظر .. أبنتظر !!
لين أنتقابل من جديد ونعلم الدنيا الفرح ..
ونرتب أكوام الصبر في درج كل قلب أنجرح !!

.
.
.


خمسة دقايق ..!!
وأنتهت ذيك السوالف وأنتثر
حلم الحقيقة بالممر ..

هاتف يدوزن رنته ..!!
وعاشق يقولب بالورق ..
يبحث عن حطام الغرق ... بأرقام كل قلب ٍ غرق ..
هي : ذيك ..!!؟
أو يمكن غلط .. خايف أعلقها غلط
وتبلشني بحبال الغرام ..

(( من اللي قال ابتبلشك .. من اللي أبلشها معاه ))

.. ماهو انا !!
هي اللي حست بالحياة ..
وقالت : تأكد يالحبيب أنا لك أكثر من كذا ..
سمعت عن ليلى .. ترى والله ماتوصل بي شذى !!

.
.
.

دام الــبراءة قـــاتلة ... والطيب مفتاح العذاب
وكل ماتراجع جاتله ... ماتدري إنه من سراب

ياكيف حال اللي تمادى وأنتشر ..
في دفتر أوراقه كذب ..!!
هذه هي أحوال البشر ..
من يمدحك لازم يسب ..

حتى لو أنك صورته في هالمكان ..
حتى لو أنك ضحكته في كل مكان ..

الغاية الأولى فرح !!
إن كنت ماتقدر فـــَـ رِح ..
ماني بحاجة للعشق ..
حتى ولو كان (( الضيا ... وأصل الشفق )) ..


.
.
.


هذه هي ارسالة : رجل ..
يعكس جنون العاطفة .. باكثر من مراية كلام .!!
يبكي بنظرة خاطـــفة .. على تفاصيل الغــرام .!!

يبدى يدق بهالحديد لين ايتعلم
.. والغرض ..!!
يعرف تفاصيل أنكسار القلب
.. وانواع المرض !!

ويداوي جروح الخيانة من حبيبة جارحة ..
كانت تسويبه كما كان يتكلم من قريب ..!!

حان السفر وأودع شناط الدمع والحال الكسير ..
على فراق اللي عشق ..!!
على فراق اللي عشقها وانتشق ..
من وردها ريح العطر ..

قال : أذكريني يابعد كل البشر ..
قال : أذكريني دامني لسا بشر ..

قبل أتحول للورق وأطير من جور الرياح !!

قالت :
احبك وأعشقك ..
وماأعشق سواك من البشر ..

وصدقني لو تبعد بعيـــــــــــد ..
أبنتظر .. أبنتظر !!
لين أنتقابل من جديد ونعلم الدنيا الفرح ..
ونرتب أكوام الصبر في درج كل قلب أنجرح !!

.
.
.

ياللأسف ياللأسف ..

ماكنت أظن اني كذا ..!!
يلعب على قلبي بشر ..