25-12-2001, 02:04
|
#4
|
رحمة الله عليه
|
اخوي : ساري الليل .........صح لسانك يابعدي
والله انها قطعت قلبي,,,والله يعينك يابعدي هذي
الدنيا ...وتسلم بنات أفكارك والله اللي جابتها
وكيف ياشيخ ماتعجبنا الله يهديك,,,
يالله ياللي لك الارقاب خضّاعه****ياللي ليا ضاعت اعبادك تسنعها
افرج لقب(ن)تشوفه زادت اوجاعه****جميع الاوجاع حظه فيه يجمعها
قلب(ن)زمانه وقف ضدّه ولاطاعه****اشجار الاحزان وقته فيه يزرعها
والناس فالسوق شرّايه..وبياعه****والله قسم رزق شاريها وبايعها
والنفس مافيه شك..اكيد طمّاعه****ماتقتنع لين ميل الوقت يقنعها
وياكمّ روح(ن)بسوق الحب ملاعه****روح(ن)عذاب الهوى والشوق لايعها
وجدي مثل وجد شهم(ن) شانت اوضاعه****كل التوافيق عنه الحظ يقطعها
كثرة ديونه ولا فالكون فزّاعه****مهوب يذكر بني عم(ن) يفزعها
وعياله صغار..واكبرهم برضاعه****ومن القهر دمعته تظهر ويمنعها
على عشير(ن) بنا فالخافق شراعه****بيبان قلبي له لحاله مشرعها
عطاه ربي وصوف الزين وانواعه****وهروج(ن) تعذربه... والله مااسمعها
لاكن ظروف الزمن لااحول منّاعه****سود الليالي حدت قلبي يودعها
والنفس من عقب فرقا الزين مرتاعه****والعين حر الجفا سيّل مدامعها
ومن ماخذا حقه بيمناه وذراعه****بيموت والنفس ماارواهاولا اشبعها
ويالله ياللي عليم بقومة الساعه****الطف بروح(ن) تشوف الهم مزّعها
تسلم تسلم يابعدي والله يكون بعونك,,,,,
|
|
|