حكم ضميرك
[poet font="Simplified Arabic,5,white,bold,normal" bkcolor="transparent" bkimage="backgrounds/13.gif" border="solid,4,coral" type=0 line=350% align=center use=ex length=0 char="" num="0,black" filter=" shadow(color=purple,direction=180) glow(color=purple,strength=1)"]
راجع حساباتك وحكم ضميرك= وقدم يمينك لاتقدم بيسراك
واحسب نتايجها نهاية مصيرك= قبل تنفذ راي من رايه اغراك
واشره علي ان كان جيت استشيرك=ماني بياسر لو تكون انت باراك
ياناعم الديباج قدر حريرك = قبل يصير التبغ مجموعة جراك
ماني بمملوكك ولاني صغيرك= ياخطي العبري عرفت اقدر اقراك
انا اعرفك وانا بطبعك خبيرك =اعرف طباعك زين في فهم وادراك
على يدي خابزك واعرف مطيرك= شفت الحمامه عارفه شجرة الراك
حتى البنفسج غار منّه عبيرك= من قرب مشواحك ومن قصر مسراك
ابعد عن الموضوع شرك وخيرك = لاتقربه وايصير موتك وعزراك
حكمك حكم فرعون صاير وزيرك=يرسم لك الخطه على بند وكراك
بالظلم لك تتار جيشه خشيرك=هواك حاكم بك مثل حكم الاتراك
مانلت شي ولايميزك غيرك =لاتحسبنك صرت مثل ابن براك
خلك على الموضه وشجّع بشيرك =وعطه البشاره كلما جاء لبشراك
ياعزتي لك لكن الله يجيرك =ابعد بخطواتك وممشاك وراك
منك الوهم والهم جندي خفيرك =في وسط سجن الياس همك تحراك
الذل من كاسه شرابك وبيرك =مبطي عنه ناصحك واقول حذراك
حاولت فيك ولااستمعت لنذيرك =خيّبت هقوة من عن الذل يدراك
تزعم على كيفك وتشعب بعيرك = واتحسب ان المرجله حرب وعراك
واليوم من يحتاج لك يستعيرك =ماعاد ينفع كثر لومك وحسراك
زرعك وتحصد منه حوسة مريرك = لابوك لابو من تشوّق لذكراك
[/poet]
|