الحبيب الأولي
بسم الله الرحمن الرحيم
السلام عليكم ورحمة الله
صباح الخير على الجميع
واتمنى ان تكونوا جميعا بصحة جيدة
اليكم هذه المصافحة عسى ان تكون كما تريدون
[poet font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
تباشر يا الحبيب الأوّلي عوّدت بدري"="وقد قيل المحبة هيّ بسّ الأوّليّة
نديبك جابني والا أنا اللي جيتك اجري"="انا اللي عدت والا انت المهم صرنا سويّة
تباطيتك شقاي ومن سألني قلت مدري"="وتباطتني سلالك واقبلت تحمل هديّة
خسرت رهاني وجيتك ودمعي فوق قبري"="وكسبت رهانك وجاني رسولك بالمنيّة
حسيبك كلما عنّك سليت وشفت فجري"="رجع للخلف عقرب ساعتي وتجور فيّه
هنيّالك رجوع الآه لاوراقي وحبري"="وخفّف من صراعات العروق الهاشميّة
وفلّ حجاجك وخذ كلّ ما للعين يغري"="وصعبٍ تطلبه تبشر تمدّه لك يديّه
خلاص اليوم ما في القلب غيرك..غير كسري"="وحبيبٍ كان في الخافق يشب رمّد مجيّه
حبيبٍ كان لي يومي وأسبوعي وشهري"="وكان الشمس لي والفيْ وروحٍ فيّ حيّة
ليامنه رضى زفّ القلم عرسان شعري"="وليامنه زعل صبّ القلم حبر الوصيّة
أشوف الموت الاحمر لاشكى وعينه تعَبْري"="وتمسي من ربا النوماس نفسي جرهديّة
وليامنه ضحك يضحك معه سنّي وثغري"="عليك الله وامانه كان يقطع بالبريّة
دريت انه تركني وليتني ما كنت أدري"="خذاه الوقت مدري الواشية والعلقميّة
خذاه اللي خذاه وما نفعني طبّ صبري"="واخذ معه السعد واسبغ من الشقوة عليّه
وطار النوم ما والله على الأجفان يطري"="وصارت في البكا عيني كريمة واجوديّة
تفضل يالحبيب الأولي مجلسك صدري"="ولكن قبل تقلط (يالحزن) ردّد معيّه
فمان الله يا محفوظ في قلبي بعمري"="وفي شـــريحة الجوال باسم الراعبيّة
وسلامتكم،،
[/poet]
اخر تعديل كان بواسطة » ناصر آل مداوي في يوم » 24-05-2003 عند الساعة » 21:53.
|