[الوسيم]

[c]

يا جماعه انا جيتكم في آخر مربوط من سواليف الاعضاء ،،، اختنا بالله الجازي تطلب من طميران يحط لها كم بيت بمناسبة مغادرة الثنوي الى الجامعه ان شاء الله ومبروك مقدما ،،، البنت صاحيه ومستثمره ومهيب بسيطه ابد ابد ،،، تصورو وانا في احد اسفاري داخل بلدي الحبيب لقيت اختنا الجازي حاطه بوفيه وتبيع في موقع مسكت ،،، انا جبت الكمره وصورت البوفيه والبائع الهندي ،،،، وسويت عليهم البلديه ـــ والى لا ترخيص ولا شهادة صحيه والعامل مهوب على الكفاله ،،،، المهم جت الجازي وقالت وش تبي يا وجه .العنز........ قويه شوي وانا اثغي قصدي اهاوش عليهم قلت انا البلديه وهي تقوم تنافض وخافت مني ،،،، قالت هد اعصابك يابن الحلال وحصل خير ،، وهم يجيبون سندويشات كبده وشاورما وعصير كوكتيل وعصير منقا ،،،، ما قاومت ساحت السعبوله وجلست وقلت انتم اصلا ما عندكم مشكله وكلها شوي اجراآت بسيطه ونا رايح اكلم القسم الفني ويعطونكم فرصه واقعد اسولف مع العامل واثره يتكلم الارديه بطلاقه ،،،، ما اطول عليكم فهيت شوي ما ذقت لا السندويشات ولا العصير والى يوم دخل علينا ذاك الوجه الاقشر الظاهر انه ابو خطمه او طميران مدري ،،، ما اطول عليكم مانزل نظارته ولا جلس قال معكم البلديه وين التصريح والرخصه الصحيه والاقامه ،،،،، وهو يخرشهم العامل : عمى ما سوف بلديه موجود ،،، والجازي تنخفهم ((( تهاوش بثقه ))) انزلع شف البلديه قدامك ويطلع الرجال البطاقه وانا اضيع الباب والى العسكري يلقطني وهم ينشغلون فيني ويخلون مخالفات الجازي وهات يا تحقيق ،،،، منتحل شخصيه وملقوف ومسافر ويالله يكفلني ذاك المسلم الله يجزاه خير

الله يسامحك يالجازي ما امداني اذوق من العصير ولا جغمه
لكن خيرها في غيرها والى القاء مع نشاط تجاري جديد
مع تحيات الوسيم الي ما همه الا العصير الي فها عنه ومسكوه الشرطه قبل يشربه


وهذي صورة البوفيه والهندي يتفرح على يوم تلوني الشرطه







[/c]