[خربوش ابوخطمه]

الاخوان الاعزاء الكرام ضاري بالعطا وابونوت من غير مهونه لمن يسمع
الموضوع هذا تسد له شهرين وانا حاطه ورحت انبشه المهم انتم عطوني
العلم اما ايه ولا لا:'( ترى ماهيب صناعة كبريت اما تسان روسكم كبار
ولاودكم تردون علينا هذا ثي شاني حنا ودنا بالدردشه يومنها تجمعنا
على العز والمعزه <==== اخس ياراعي المراجل وودنا نسولف مهيب
مثل هالسوالف الباصقه اللي الواحد مايرد على خويه الا عقب يومين نبي
الدعوى حامي بحامي وانا من رايي تحطونها وقطتي وااااااااالمه والدعوى
بسيطه وبعض الناس يبونها ومستحيين مدخلكم على الله ان تردون علي
يامسلمين وخاصه انت ياضاري الله يدفع البلا تسن منتب موجود كل هذا
تسبر ولا ماتعرف تكتب ولا ابونوت يخفق في كل محل مير البركه ماهيب
واجد والرجال مجهد وشايلن عنك شي واجد <==== بيدخل له في سالفة جديده
مادريت هاك اليوم الا وبريدي الخاص فيه رساله من ابونوت يقول ياخربوش انا ودي
تجي معي معاوني على شعبيات لكن اني مستحي من ضاري والله
مير وانا ارد عليه هاك الرساله اللي مدحتك فيها وانت رجالن تستاهل المدح
ياضاري مهوب علشانك المشرف لا والله<==== والله من التسذب وقلت لابونوت
ان ضاري من كل خير قريب ولاهوب معيي وان حطني يبشر والله بالعلوم الزينه وهبة الريح
وانا خربوش كلن يعرفني والشينه ماتجي مني وهالحين ياضاري ودي انك ما تكسح ابونوت
وعطه مطلوبه والدنيا فانيه


اللي يشير بالعلم الغانم
خربوش سديد الراي