[كش ملك]

سلامي يا هدوء الأرض هـذا اول الأعصـار
توحدت بجراحـي و المـدى وجهـي واياتـي


تشربت الهموم وبعض حلم في عيون اصغـار
وسميت الفضاء جلدي وسميت الشجـر ذاتـي


لذا يممت وجهي عكس وجـه الريـح والتيـار
نعم مادام ذيب الوقـت عمـدا مطلبـه شاتـي


رميتك ياحطب ذكراي في برد المسافـه نـار
وشفتك ياحطب تخلص ونـا بـأول مسافاتـي


رمادك في يدي شلته سؤال وشوكـة استفسـار
يجدد بي حريقـه وشتعـل .. تولـد بداياتـي


وكملت الطريق بحلم باكـر تنبـت الأشجـار
على ارض تسميهـا احتضاراتـي حضاراتـي


وباكر اضرب برجلي الصحاري تنفجر انهـار
وأشق البحـر ابعصـا مـن غصـن اهاتـي


وقول مسامحك ياللي رفض يدخل معي في الغار
وقـول مسامحـك ياعنكبـوت عـد خطواتـي


بعدها يرجع العشق القديـم لجمـرة الأسفـار
وأيمم وجهتـي مـن ثانـي أفـرش مصلاتـي


أنا وش اطلبك خلاص مـا عـاد بـي اعـذار
ألا يا سامعـي أجمـل دروبـي درب زلاتـي


كتبت اللي كتبت ولا قصدت ألفت لي الأنضـار
ولكن قصدت ألفت لجـوع النـاس نضراتـي


ونا عامد أوضح شي و ترك شي خلف ستـار
و لا اقعـد ليلـه إلا وغيـر قـاع مرسـاتـي


وأنا شفت الجمال يكون اجمل لو عليـه غبـار
إذا لـف الغمـوض اوراقـي لفتهـا كتاباتـي



فــــهـــــد عـــــافـــــت