[عثمان العبدالله]

ماشاء الله كل الشعرالشعراء الأحرار تجمعوا هنا ، طميران وناصر ، ولا يهونون الربع
بس ترى بقي بعض ما دروا عن الموضوع.
الموضوع ينطبق عليه " لقد اسمعت لو ناديت حيا"
المشكلة وراثية ، وحتى لو تجاوب البعض بالتأييد ، فهو جزء من ، هذه المشكلة الوراثية ، ياجماعة مجتمعكم كله قايم على المجاملة والنفاق ، وكثرة الوجيه ،
ماتدرون ، من يوم يطلع الطفل من بطن أمه أو ما يلقم قبل الحليب ، هذه الدروس.
وتبون الناس تغير. تذكروا الأمثلة الكثيرة المنطلقة من هذا المفهوم:
شدي لي واقطع لك
يدي ما تعطي ما تاخذ
أنا واخوي على ولد عمي ..

البعض يكتب لك صراحة في رده : "أنا جيت أرد لأنك رديت علي"
يا أخي ما أقدر أرد على كل القصايد ، أنا أدور اللي أشوف فيها شي يعجبني
واتفاعل معها وارد ، لكن ما عندي الجرأة أقول ترى قصيدتك فيها العيب الفلاني
خصوصا إذا كنت شخصية مرموقة ، من مصلحة الموقع رفع اسمك عاليا ، وإلا تلقى ردك حذف كاملا.

وبعدين لا ننسى نقطة مهمة ، كل الزملاء ، وأنا واحد منهم ، إلا ما ندر ، مسجل له في عدة منتديات ، تلقاه طول الوقت مثل المستغلث يطمر من منتدى للثاني ، يشوف من اللي
رد ، ويدور قصايدهم ويرد عليها ، حتى ولو كان فيه أفضل منها. وحتى ولو أنه شاعر كبير ، وما هو محتاج إن أي شخص عادي يرد عليه ، المهم يبي مدح ، لكن لو غلط
والكامل وجه الله ، وتلقف واحد ونبهه للغلط ، خلاص شطب عليه ، وما عاد يرد عليه.
الموضوع طويل ، وفي الفخ أكبر من العصفور.
كل الشكر والتقدير لأخي طميران وأخي ناصر ، وكل من شارك في إثراء هذا الموضوع الهام بالنقاش الصريح .
تحياتي.