[عادل الضويان]

[c]




باب ما جاء عن الدببه في ايميلي عن صديقي العصقول الله يبلاه
يقول حدثنا احد الشعراء وما يدري وش اسمه
( والظاهر انه ينصب )
فقال عفا الله عنه

[poet font="Simplified Arabic,5,crimson,bold,normal" bkcolor="transparent" bkimage="backgrounds/8.gif" border="ridge,5,silver" type=2 line=200% align=center use=sp length=100 char="" num="0,black" filter=""]

للزين قالوا من زمان له علامات
عين ومبسم والجسم والرشاقه
لكن كسر هالقاعده المتينات
من واقع ماهو كلام وبلاغه
اللي محلايهن ولو هن ثقيلات
دايمن خفاف دم وفيهن لباقه
الله ياهن ياجماعه لطيفات
وعن الكلام الحلو فيهن طلاقه
ماهو ضروري بالرشاقه رشيقات
وزود الوزن مهوب يعني اعاقه
صحيح بعض اللبس يعني اهانات
الوزن بالضيق عديم العلاقه
بس موضروري يلبسن ( استرتشات )
يازينهن واللبس واسع نطاقه
لا بارك الله فيك يالضيق بالذات
تراى السعه مرات تعطي اناقه
قالوا الرجيم اليوم همّ البنيات
قلت الرجيم ادري يبي له فراغه
وقالوا الرياضه قلت ماهن مريضات
للسكري لا ما معهن بطاقه
قابلهن الله بلا رجيم ورياضات
بهدي لهن مني من الورد باقه
هن دفىء هذا المجتمع هن رقيقات
هن ملح هن سكر لذيذ مذاقه
هن لا سئلتوني عن الحب بسكات
بقول ان فيهن عن الحب طاقه
ما هو كلام اللي كتبته واشاعات
انا ربطتني مع متينه علاقه
[/poet]
[/c]
[c]
صح لسانه ولاهان
وش حنا بدون الشحم
وياحبي للدببه بس

اتمنى تعجبكم
ولا تزعلن يالدبيات

[sound]http://www.dwaihi.com/poem/1hmad10.ram[/sound]



[/c]