[ابونوت]

كاتب الرسالة الأصلية الرجلي
الله عليك يالمراقب العااااااام حلوة على وزن الشاااارع العام

اقول توني عرفت وش معنى(( كلام الليل يمحوه النهار )) اثرك انت النهار اللي يمسح حكياتنا غربلك الله يا صالح 00 وش تطلبنا 00

(( مسقات المطوع ـ سمحان ـ سبع الملاف ـ البقاله ـ مواجه ـ برج عبّود
مباركه ـ وام عروق وغيرها الكثير ماننساها بس وشدخلهن في بعرصي كحله ))

وش دخلهن يا ابونوت يا كبر علومك يا صالح 00الله يرحمه وين عايش عن اثلة الرزيحي جنوب وعن المسقاة شمال وعن برج عبود غرب وترا بقايا بيتهم ما زالت مخلدة الى الان رح شفها الى مريت الوالد بالدكان

اللي خاته يا صالح (( مواجه )) هي اللي ما لها سنع مدري وين جبتها قل (( صفيات الجرب )) اوفق واقرب 00:":

وبعدين تمسح هروجنا يالسبيل ليش والبعرصي معطية اوكيه والله ظلم 00 الا وش معنى نوت والله ما لقيت له وجهه 00 الموت ان كان ولد والا بنتك اسمها او اسمه (( نوت ))

ارجوك عرف الاسم ووضح معناه للجميع للفائدة 00 ولا تزعل يالنشمي ابو نوت تراك ذيب امعط واترك عنك المسح والمحي الله يمحى عدوك :ghost:

[c]
اقول يالرجلي لا يكثر
اللي خات الصفيّات يا مصفي ، والا مواجه اسأل وتلقاه تراه عن احداثيات بيت اللي تقول غرب
وبعدين وش هالسوالف كلها يا المملوح تعرف كل هالعلوم ولا تدري نوت بنت والاّ ولد ؟
هذا التميلح اللي ما لأمه داعي
وامس تعدد اسامي خلق الله وتعلمني انك من شهبان الحاره الاوله وتقول لا يكون بنتك والا ولدك نوت ؟
اقول تراني ما امسح الا اللي اشوفه ما يصلح يقعد مكتوب كلن يقراه
هاه ؟ بقي شيء يحتاج توضيح ؟
بعدين تراني مدورك كم مرررره ولا القا الاّ خويك واحيانا الهندي
ويا حبي لك يابو ..... سلم على ، ... ، .... ، .... ، والغالي اللي مهوب هنا الله يوفقه .... يقولون انه جاي قبل اسبوع ؟؟؟
يالله مع السلامه وتفضل :corn:
اخوك ابونوت
[/c]