[عبدالكريم السيف]

والله هاالقصيده اعجبتني حيل ..... ابي رايكم
..............

بلاش تعيد وتزيد السوالف وانت ما يمديك ....طريقك صعب واحلامك بعيدة والغرور أعماك

تعاتب وانت ما تدري خفوقي وش كثر معطيك ..... على كثر العطا حديت قلبي للفراق وجاك

اجي لك من هنا وتصد عني واعذرك واجيك ..... واجي لك من هناك ونفس ما جيتك هنا وهناك

صحيح إني سمعت بطاري الموت ولمحته فيك ..... ولكن قلت ابسري لك واغني لك على ليلاك

وجيتك حب عن كل القلوب العاشقة يغنيك ...... اصيح القلب ما يغلى عليك وما تبي يفداك

عقب ما انهد حيلك والهوى جابك على مغليك ..... بدا المشوار واللي باقي من عمري بدا وياك

لقيتك ظامي إحساس وقصايد قلت اجي واسقيك ..... ابكسب فيك اجر وإلا القصايد فيك وبلياك

تصور من كثر ما اردد إسمك لا طرى طاريك ..... أصوت لك على الطاري بلا وعي وبلا إدراك

مشينا بالغلا لا خوف يا خذنا و لا تشكيك ..... وفجأة من ردى عقلك طغيت وغرتك دنياك

قسى قلبك وما تدري بعد وين الله موديك ..... تبعتك لاخر الدرب الطويل وما قصرت إخطاك

احاول فيك اهدي فيك وادري ما الله بهاديك ..... مع إني صرت احاول لين ما جبت اولك واتلاك

نصحتك واكتشفت إن الوفا بالذات ما يعنيك ..... اجل ذنبك على جنبك على ما تفعله يمناك

اعرف إنك بديت الحرب من نفسك واعرف انهيك ..... واعرف سلاحك الفتنة اليا منك وصلت اقصاك

تلمح الجفا مدري ويش اللي بالجفا يغريك ..... عسى الله ما يحدك للجفا يمي ولا يبلاك

تولم للفراق و لا تفكر ترجع لماضيك ..... وحرام إن ما جعلتك تصفق اليمنى على يسراك

انا ما اقول كلمه وارجع اسحبها عشان ارضيك ..... ما دام رضاك في كسرة كلامي لا بلاش رضاك

ترى ماني صبي اهلك عشان اخضع وابوس إيديك ..... عسى تنهيني الدنيا لو أخضع واضعف لشرواك


الشاعر : عطا الله فرحان



مع شــكــري وتــقــديــري