[عبدالمحسن بن سعيد]

وهنا لمن لايستطيع او لايرغب في مشاهدة الفلاش

[poet font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=" shadow(color=black,direction=135) glow(color=black,strength=1)"]
عفرى تقول مضايقتها الجدايل=قولوا لعفرى لاتقص الجديله
والنظره اللي راح فيها قبايل=هذا وهي طرقة غطاها ثقيله
وإلا ثغرها مكنز ٍ للهوايل=مايلحق يرد الشهاده قتيله
تجلس ونلقا عن قمرنا بدايل=تاقف ويكره كل خل ٍ خليله
عفرى وترتج الكبار الثقايل=والنور يرجع للسراب ويشيله
عفرى وتبرد وجنتين القوايل=والجدب يرضع شفتين المخيله
عفرى وتبدي من دلعها خصايل=ورد ٍ جمع قطر الندى في شليله
عفرى واشوف الفجر راح يتمايل=والليل راح بسكرته يرتكيله
عفرى واشوف طويق ذايب وسايل =والرمّه موقف يبيها تجيله
عفرى وينعس جفن رفحا وحايل=ويجي لهامة نجد قصه طويله
والحب مابه عند عفرى جمايل=ياوالله اللي شوف عفرى جميله
وعفرى تقول أحلى بدون الجدايل=قولوا لعفرى تنقض (أم) الجديله
[/poet]