شعبيات - مشاهدة مشاركة بصفحة مستقلة

عبدالرحمن الربيّع · 19-01-2002, 05:57

السلام عليكم جميعا........

ابو صالح صح لسانك ابياتك ذكرتني برنامج منكم وإليكم للشيخ المسند الله يطول في عمره ويجزاه خير ...

حمود الفته / والله بيت رايق

يالله يارب تنجح تجيب الشهاده الكبيرة .

ازرق وأبيض / هههههههههههههههههههه .

وهذي سالفة واحد من الزملاء كان جاي من الشرقيه بالطيارة ويوم وصل المطار في وقت متأخر طبعا المطار القديم يعني السالفة قديمه مره المهم راح لحقين التكاسي وسأل واحد بدوي معه شفر 76 وفي يده سبحة طولها مترين بكم توصلني للبيت قاله بـ 70 ريال رد خوينا وقال ياخي واجد والمكان قريب قاله تبي والا طس عن وجهي المهم يقول رحت اتمشى شوي ولقيت لوحة مكتوب عليها التسعيرة لكل الاحياء وطلع الرجال صافقني بزياده 50 ريال المهم بصراحه حقدت عليه وأوقوم وأجع له وقلت ياخي شف التسعيرة هناك مكتوب عليها كذا وكذا قال وينهي قلت واشاور عليها هاذيك قال هاذيك اللي هناك قلت ايه قال رح اركب علاها خلها توديك لبيتكم

المهم قفلت معي ورحت للضابط المناوب فالمطار وأعلمه بالسالفة وماقصر وراح معي لراعي التكسي وخذمنه الرخصة والاستمارة وقال له رح وصله ببلاش وارجع اتفاهم معك ويقول المهم ركبت معه ووداني لبيتنا وهو يسب ويلعن وانا راكب ورى ومافيه مطب فالرياض الا وخبط فيه وقبل ما أقوله يمين يذب الموتر وقبل ماأقول يسار ينطل الموتر وقاعد اردّع في البيبان مره هنا ومره هناك وعاد المراتب سمطات ويوم وصلت لحارتنا الا وبابنا مفتوح وأفتح الباب واروح اركض لبيتنا وأخلي بابه مفتوح وينزل يسب ويلعن ويقول أوريك ياورع الشيطان أوريك .

وانا كل ما سمعت السالفه من زميلي هذا وبطريقته اوووووووووووووووووووت من الضحك

ارجو اني ماطولت عليكم بس قلت ابوسع صدوركم شوي واخوي ابو صالح خلص من تعب الاختبارات وفضالنا الله يوسع صدره بالعافيه والجميع ان شاءالله .

أقول لأخواني وخواتي الناجحين الف مبروك وللي مابعد طلعت النتايج انشاءالله تنجحون وتبشرونا ونفرح معكم .

والسلام عليكم ...................

19-01-2002, 05:57	#4
عبدالرحمن الربيّع رفيــق الحــزن	السلام عليكم جميعا........ ابو صالح صح لسانك ابياتك ذكرتني برنامج منكم وإليكم للشيخ المسند الله يطول في عمره ويجزاه خير ... حمود الفته / والله بيت رايق يالله يارب تنجح تجيب الشهاده الكبيرة . ازرق وأبيض / هههههههههههههههههههه . وهذي سالفة واحد من الزملاء كان جاي من الشرقيه بالطيارة ويوم وصل المطار في وقت متأخر طبعا المطار القديم يعني السالفة قديمه مره المهم راح لحقين التكاسي وسأل واحد بدوي معه شفر 76 وفي يده سبحة طولها مترين بكم توصلني للبيت قاله بـ 70 ريال رد خوينا وقال ياخي واجد والمكان قريب قاله تبي والا طس عن وجهي المهم يقول رحت اتمشى شوي ولقيت لوحة مكتوب عليها التسعيرة لكل الاحياء وطلع الرجال صافقني بزياده 50 ريال المهم بصراحه حقدت عليه وأوقوم وأجع له وقلت ياخي شف التسعيرة هناك مكتوب عليها كذا وكذا قال وينهي قلت واشاور عليها هاذيك قال هاذيك اللي هناك قلت ايه قال رح اركب علاها خلها توديك لبيتكم المهم قفلت معي ورحت للضابط المناوب فالمطار وأعلمه بالسالفة وماقصر وراح معي لراعي التكسي وخذمنه الرخصة والاستمارة وقال له رح وصله ببلاش وارجع اتفاهم معك ويقول المهم ركبت معه ووداني لبيتنا وهو يسب ويلعن وانا راكب ورى ومافيه مطب فالرياض الا وخبط فيه وقبل ما أقوله يمين يذب الموتر وقبل ماأقول يسار ينطل الموتر وقاعد اردّع في البيبان مره هنا ومره هناك وعاد المراتب سمطات ويوم وصلت لحارتنا الا وبابنا مفتوح وأفتح الباب واروح اركض لبيتنا وأخلي بابه مفتوح وينزل يسب ويلعن ويقول أوريك ياورع الشيطان أوريك . وانا كل ما سمعت السالفه من زميلي هذا وبطريقته اوووووووووووووووووووت من الضحك ارجو اني ماطولت عليكم بس قلت ابوسع صدوركم شوي واخوي ابو صالح خلص من تعب الاختبارات وفضالنا الله يوسع صدره بالعافيه والجميع ان شاءالله . أقول لأخواني وخواتي الناجحين الف مبروك وللي مابعد طلعت النتايج انشاءالله تنجحون وتبشرونا ونفرح معكم . والسلام عليكم ................... التوقيع: وين اروح ؟ وانا باقي في قلبي جرووح !