حـراج ........... يامن يسوم
من غيرليه أنت صح النوم توك تقوم "==" مفروض تفهم على الطاير بكل احترام
ماحال دامت بحال الدايم اللي يدوم "==" ماضي وولا مع أيامه عليه السلام
مانيب في حاجة لمفسريـن الـحلوم "==" وجه الحقيقه ظهر وانزاح عنه اللثام
واليوم ماني رفيق لك مثل كل يوم "==" ماأشدفيك الظهر ولاتشد الحزام
الله ولارفقةرخمة ردي العزوم "==" مسلوب اراده ورأيه في يدين المدام
ماني رفيق الرخوم ولاعيال الرخوم "==" أرافق اللي رفاقتهم عليها الكلام
بياع بأرخص ثمن حراج يامن يسوم "==" بالكوم لكن رفقات الردىماتسام
من لاتبين ضحىمالي بعرفه لزوم "==" والاالجبال المنيفه تختفي بالظلام
النادرمن الرفاقه وين شبه معدوم "==" عند الشدايد يفك من الحديد اللحام
الطيب ماله وسوم ولاالردى لـه وسوم "==" لكنها التاجربه تكسر صليب العظام
أعرف من اجاوره من قبل اطق الرسوم "==" وأشوف منا ومنا قبل نصب الخيام
الحرمايبني اوكاره علىعش بوم "==" وان طار طاير وقع وهوا تعلا وحام
ولاشك الارزاق وهبه والطبايع قسوم "==" ولاهوب عذرالغبا لمخالفين النظام
هذي علومي ولاعندي بعدهاعلوم "==" موجز وحطه على ماقال مسك الختام
أبو سبيل[/c]
|