[عثمان العبدالله]

[poet font="Simplified Arabic,4,white,bold,normal" bkcolor="deeppink" bkimage="" border="outset,4,red" type=0 line=200% align=center use=sp length=0 char="" num="0,black" filter=""]
دعاني الشوق واسرجت الركايب وابتدى المشوار = احسب اني بخيصٍ بالدروب وتاهت ابعادي
ابي شرق وخذاني الدرب لـواد التيه والاخطار = بعز الظهر عطشانٍ بليّـا ماء ولا زادي
سألت الله يجيب المزن تحيي ميّت الاشجار = تطفي من لهيب النار في العسرات بابرادي
سحابه عجلةٍ تمطر تجيب العشب والأزهـار = مخايلها على ذيك التلاع ومهبط الوادي
وانا واليأس قـدّامي بفجـأة دونما إنــذار= ولا ريمٍ تصوّت لي تنادي وين ياالغادي؟
نظـرت لها ولاها ظبي ما يخطر على الأفكـار= اخاف اقـول حوريّه يشك البعض بالحادي
الا يا رمشها الـوارف تمهـل لا تـوجه نـار = فؤادي ما عرف للعشق وش لك بنت الاجوادي
خطتني الطلقة الاولى وقلت أصمد على الاقدار = رمتني الثانية حسّيت شيٍّ يطعن فـوادي
رفعت الرآية البيضا وقلت اللي حصل ما صار = خذتها وكتفت قلبي وقالت حبسك افرادي
وبدت تضحك وتتدلع وقامت تنشد الاشعــار = تهيّج خاطر المقهور ينادي وين الاجدادي
عليك الله وامـان الله من انتي خبّري المحتـار = وسرك في وسط بيرٍ ولا ياصل لحسادي
وفجأة رعد وبروقٍ ومطر هايج كما الاعصار = ابي ملجأ ، أبي مأوى ما بي وردٍ ولا كادي
ودورها ملاقيهــا خطفها الـبرد والتيّــار= غديت امشي واناديها وضاعت رغم انشادي
بكيت وقلت ياربي عليم الحـــال والاسرار= تفرج كربة اللي ضاع حبه مثل الامجادي
الا يا حب حبيته وتـلاشى ما لقيت آثــار= متى تسمح وترجع لي تجدد عيد ميلادي
ونا مشغول في همّي ولا ذاك الخبر قد طـار= ولاارنب شايلٍ بندق يقول الحق على احفادي
تراهم جو ، تراهم جو ، ورا ذاك الجبل اشرار= الا يا كل من بالكون من حضرٍ ومن بادي
وهب الخلق في الصحرا جرابيع وصقور كثار= هجـومٍ شاملٍ بغته وساقوهم بالاقيادي
ولاها واقفـة تعلن اخذنـاهم بليـّا حصـار= وهذي قدرة الجبّار على الطاغين والعادي

[/poet]