الحقيقه بعد ماقريت قصيدة الاخ الشاعر الرائع عكاشه والتي كانت بعنوان(سلمان..خالد..اغفرو لي هذا العبث)
جات معي هـ الابيات الكيبورديه وعذراً على القصور
[c]قصايدك ياأستاذ رمز الفخامه
وان كان تسمح في قبول انتسابي
شاعر ويعجبني صراحه كلامه
ومحور حديثه كان هذا الجوابي
(الله يخلي هالخيال ومقامه)
بس ان قلبه مثل قلب الذيابي ( انت ياخالد)
يعني خضر والجرح صعب التئامه
وليل الشتا يفضح خفايا الكتابي
والشعر مابغى منه غير السلامه
يشوفني ذنب وسعى لـ ارتكابي
احيان يبطي ثم اردد علامه
واحيان احسه في مخابي ثيابي
يمكن حلاله مستوي مع حرامه
مدري؟؟ كذا هي جات جملة حسابي
والحب محدٍِ قد سلم من سهامه
وانا بشر ياخوك ماني صحابي
بدايته. اعجاب...... طيش.......وغشامه
ونهايته انواع كل العذابي
لو كل من يعشق يحصل مرامه
كان الهوى ينباع وسط الغرابي
[/c]
الغرابي: ورد في معجم الصحاح لابن منظور بفتح الغاء
وضم الراء
انه شارع في الرياض يقع في وسط البطحاء