[محمد الشهري]

اختبص لاشفت طولك!! يالعنود الفارع

..........................واقعد اغني..واقول: لــ بيتهاودوني!


كني اللي مسه الجن وخرعه الخارع!!

...........................يمسكوني منك!! وازهم!ياعرب هدوني!!


خاطري في وقفةٍ فــ راس ذاك الشارع!

...........................اكسبوا..فيني جميل...وعقبها ردوني!


انفطر قلبي عليك..وجيت يمك هارع!!

............................وكل ماجيت اصلك..عن يمتك صدوني!!


يا بعد كل القصيد!!ونبضي المتسارع!

..........................ويابعدمن داج في(كازا)وفـ(البردوني)


كل حسنٍ غير حسنك مايسمــى بــارع!!

...........................كنك تقولين: كل الوصف يقصـر دوني!؟


الكرز غيران..من عنّابك اللي زارع!!

.........................حول عقدٍ..احسبه..لـ اسكندرالمقدوني!؟


وفعل رمشك أمر!! عمره مايصير مضارع!؟

........................وان سكت لا..فعل ولاّ ده..فـ أبن زيدوني!


ماقرع بيبان قلبي!!..قبل عكشك قـارع!!

........................لـين شفت عيونك!!..اللي للخطر حدوني؟!


كلهامن تحت راسك!!يا..العنودالفـارع!؟

........................والا..اناماعرف..اغني..لـ بيتهاودني!!؟

بعد راسي والله يابو فلاح

يسعد لي هالصباح والله ...


صح الله لسانك وبنانك ..ولاهي غريبه على مبدع مثلك ..


عادتك وربي الجزاله والتمكن والقوافي الصعبه ...


لله درك من شاعر وفنان


الله يعطيك العافية


تقبل تحيات اخوك الصغير


محمد الشهري