[عبدالله البكر]

[c]أحبتي ...
.. لا أملك من الحديث سوى :..
.. أنني لاأملك سواه ..

فالمشاعر : حلم .. يجوز ان نراه جميلا ً ..
..ويجوز أن نرى قسوة الزمان من خلاله ..



أتمنى أن ترتقي صغيرتي إلى أن تصل لذائقتكم [/c]

[poet font="Simplified Arabic,4,darkblue,normal,normal" bkcolor="white" bkimage="" border="groove,4,darkblue" type=0 line=200% align=center use=ex length=0 char="" num="0,black" filter=""]
..{{ مملكة الشتات }}..
شعشع النور وتلاشت ظلمت الليل الكئيب = وأستلذت عيني بتلوين فستان الحياة
وأطلق الخافق تناهيت .. اللقـا بعد المغيب = وأعلن أسرار المدينة وسط مملكة الشتات
ويوم قرّب يكشف الخافي ويرضى بالنصيب !! = وينشد اللي ماتقول ومايقال إبها ردات
إرتبك .. وأتعثرت كلماته بــ (( لفظ الحبيب ))= والخجل .. قام إيتباها بالخدود المزهرات
قال : انا فاقد كلامي !! وأرتجي شوف الطبيب ؟ = آتكلم .. وآتكلم .. وآتكلم .. في سِكات ؟
سِـل مني سيف سلطان اللسان اللي يصيب = وإنعطى بنت ٍ تشـيّـد بالوفا مستعمرات
من قرب منها بعيد .. ومن بعد عنها قريب = تفهم أسرار النفوس .. وتحكم أطواق الثبات
جندت جنـد ٍ تجيد البوح بالراي الصويب .. = حِنجرة .. ولسان .. وأسلوب .. وجميل المفردات
الطفل لاجاع يقصد بالبكا .. شرب الحليب = والرجل لاحب يقصد بالسهر .. كثر الغلات
كم من إنسان ٍ تسمى في ضواحيها غريب ؟ = هـدّه الحب وترك له صفحة ٍ للذكريات
لبستني ثوب عشق .. ورشته مسك ٍ وطيب = وإجلست قدام عيني تنتظر مني سِـوات ؟
جيت أبوصف حسنها .. قالت : تمهل يالبيب !!! = ماتعرف إن النجوم أوصافها متقلبات ؟
قلت : وش جاب القمر .. للي تحلى باللهيب = ومن يقول إن الجواهر والحصى متشابهات ؟
تسمعين اللي يقول : إن المرايا تستجيب ؟ = ماإستجابت لين شافت صورتك بين البنات
ثم حلت بي طلاسم شوق وإحساس ٍ عجيب = في هدوء ٍ صافح كفوف الخجل .. وقت السبات
وإبتدا جو إرتباكي بآخر القصة يطيب = وإنجلت كل الغيوم .. وواجه النور النبات
إجتمعت من الشتات وقلت : يا (( لفظ الحبيب )) = إنتمي للي تحبه .. لييييييين ياصلك الممات

[/poet]