عبدالرحمن
فيه موقف صار لي في احد المنتديات .. وجدت اثنين شعار يلعبون محاوره ويستخدمون الانواع الثلاثه الابجدي والدرسعي والريحاني والشهاده لله كانوا بارعين فيهن والسالفه انهم يصدرون ويوردون على روس الربع اللي عندهم وما احد يفهم وش يقولون.. سجلت في المنتدى علشان العب معهم واول محاوره لي استخدمت الانواع الثلاثه فيهن .. ضحكوا وقالوا وين جيت منه؟ وبعدها والله مابعد شفتهم يلعبون عليه ثانيه واسالهم اقول ليش ماعاد تلعبون خلونا نستفيد يقول واحد منهم يمزح لا عاد تستفيد ومن قال اننا نبيك تستفيد حنا من اول نسولف باللعب على كيفنا وهالحين مادام السالفه مكشوفه جااز الله منها
عبدالرحمن
خذ الابجدي والدرسعي .. وانشالله اني متاكد منهن وقبل ابدا
مشكوره يا عطر الخزامى ولا سوينا شي يستحق الشكر 00 واذا فيه شكر اللي يستاهله ابو عليا اللي تسبب في هالمواضيع جعله يسلم
الأبجدي ..
لهذا اللون طريقه وحساب يعتمد على الرقم والحرف حيث يرمز هنا لكل حرف من الحروف البجدية برقم يعرف به والحروف تسلسلها على ابجد هوز كالتالي:-
أبجد . هوز . حطي . كلمن . سعفص . قرشت . ثخذ . ضظغ
وكل رقم يخصه حرف ثابت ومتعارف عليه وجدولتها كالاتي :-
1= أ
2= ب
3= ج
4= د
5= هـ
6= و
7= ز
8= ح
9= ط
10= ي
20= ك
30= ل
40= م
50= ن
60= س
70= ع
80= ف
90= ص
100= ق
200= ر
300= ش
400= ت
500= ث
600= خ
700= ذ
00= ض
900= ظ
1000= غ
مثال ذلك :
بنشدك كانك بخيص بالجواب ... أفهم أسمه كان لك قلب لبيب
خمسة وتسعين بالأبجد حساب .. أربعه وأربع ومعناهن غريب
الحل
خمسة بالأبجد = ( هـ )
تسعين بالأبجد = ( ص )
اربعه واربعه ( ثمانيه = ( ح )
مجموع الحروف = اسم(( حصه)) وهذا ماقصده الشاعر هنا
الدرسعي
يعتمد هذا النوع من الرموز على حروف الهجاء ولكن بطريقة أخرى حيث تم توزيع أحرف الهجاء بطريقة معينة على شكل أزواج فلكل حرف يوجد له مرادف كالاتي
كم .. او .. حط .. صظ .. له .. في .. در .. سع .. بز .. خش .. غض .. ثج .. تذ .. نق
وقد يشمل اللغز الأنواع الثلاثة 0 الدرسعي والريحاني والأبجدي )
مثال
واللي خمد ياسعيد نيم به إكسال ...... واسبوع تكميله المثل والهوادي
فك الرموز كالاتي :
خمد .. 0 خ ) يعادل بالدرسعي 0 ش )
( م ) يعادله بالدرسعي ( ك )
( د ) يعادله بالدرسعي ( ر )
ياسعيد من الهوام بالريحاني ويعادله ( هـ )
اسبوع يقصد به رقم ( 7 )
الهوادي ويقصد به الرقم ( 3 )
و 7 + 3 = 10 والعشرة يرمز لها بالآبجدي ( ي )
ويستنتج من الأحرف ( ش . ك . ر . ي . هـ ) = شكريه
وهذا ما يقصده الشاعر
الابيات اعلاه من كتابات الاستاذ/ حمد السحيمي0
وهذي قصيدة الطلسمه لعكاشه قديمه شوي وهي على حساب الجمل
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
(( الطلسمه))
هـذي حـسابات الجمل سادها قاف = لـلطلسمه والـطلمسه صـغتها فن
عـراف بـالميقاف عـراف عـراف = قـامت تـسلطن في هواجيسه الجن
فـي كل بيت اعطيك حسبه ومحراف = واجمع حساب إحساب من خافقه ون
لاطاف عشر وعشر وش غيرها طاف = تـدبيل شـيٍ طاف حسب المقنن
إدبـل ثـلاثينك عـلى راس مشراف = ومـني عـشر مـايلحقك عقبها من
واحـد مع خمسه مع اثنين باوصاف =واجـمع بـعد واحـد وواحد بما ان
الـلي بـقا واحـد واحـد والاتلاف =واحـد وواحـد في حساب المضمن
مـانـيب لاكــاذب ولانـيب زلاف =حـرام ياحسابي على الجبر واحسن
والـلي يـبي يفهم ولا عنده اسعاف =يـرجع عـلى حساب الجمل ويتفطن
مـن يوم طال الوضع عشرين حذاف = وقـامت تحاسبني على الشك والظن
كـله ولامـيقاف فـي وجه الاحلاف = لـو قـال شـيطان الـخليقه بعد ثن
مـاطعت شوره في معادات الاشراف = من شان عين اصبر وحملي مية طن
(( سيف السيف))
[/poet]
وسلامتكم ,,,,,,,,