[عكاشه]

[c]السلام عليكم ورحمة الله وبركاته

ومساك ورد يا اخ بخيت

اسمح لي اقوولك انك ماعرفت تضرب مثل

ياخوووي انت تضرب مثل بالضيف يعني علشان تكبر من سالفة عدم الرد على عضو؟؟؟

والا فعلا انت تتصورها كذا؟؟


ياخووي اجل قل لــ 90% من مستخدمي النت سود الله وجيهكم وعلموكم ماتطلق وجيهكم مع ضيوفكم !!!


ياخوووي الضيف اللي يجيك بالبيت تدري وش يسمونه؟؟

يسمونه ضيف الرحمن هل الاعضاء اللي يدخلون على قصيده ويعلقون يطلق عليهم نفس الشي ؟؟


وهذا وانا اخووك مقطع من تعليقك ((وان تسان ماترد عليه ترا مافيه احد يجبُره يدخل بيتك اللي هو موضوع قصيدةً لك مرتن ثانيه)) ومن قالك ان بيتي موضوع قصيده

ياخوووي تراني قايل مافيه جبريه 00 مادام ان ما احد يجبره يدخل فانا ما احد يلزمني او يجبرني ارد على تعليقه


شرهة عدم الرد يابخيت اذا قلت لك تعال علق موضوع تكفى ولا رديت عليك هذيك الساعه لك حق تشره 0وسلامتك يابعدي



الاخ/ عثمان العبدالله


والاخت عطر الحزامي


رفقاً بالمنتدى من فرررط حماسكم الزائد 00 ولا يخالجني شك بانه من دافع اخلاص وحب للمنتدى


ولكن تدرون انكم بطريقتكم هذي تقتلوووون المنتدى؟؟ لا تستغربون كلمة تقتلون

وربي اراهن على ان طريقتكم هذي لو طبقت ان لاتجد شعبيات بعد ثلاثة اشهر او اقل

ياخي اذا ثلاثة ايام وينتهي الحق بالرد على القصيده

ليش؟؟


انتم شايفين ان الشاعر بس يطلع من مخباته كل ثلاثه ايام قصيده؟

لازم نكون كذا علشان يستمر المنتدى يعني يلزم الشاعر ان يكتب كل ثلاثة ايام قصيده


يا اخي اذا ماصارت القصيده ترفع برد واحد وتطرد قصيده من اخر الصفحه الاولى الى الثانيه علشان يجي صاحبها ويرفعها ويرد له كم رد بما انه مر على المنتدى

والا الواحد بيحط قصيدته ويجيك بعد ثلاثة ايام ويمحط ردودها ويمشي ومتى ما جاء عنده جديد جاك بعضهم بعد شهر والاخر بعد اسبوع

يعني مانتب شايف الا الربع اللي كل ثلاثة ايام قصيده وهذولا من ثالث قصيده تبي تندبل كبدك من قصايدهم

يالربع خلوا العضو يجي مره ومرتين باليوم لشعبيات يشوف مشاركته ويرفعها انشالله بنصف رد

المهم يجي 00 ماهووب نهيىء له الوسيله المساعده للكسل 0

واخيرااا


المنتديات كلها بهالطريقه ولو ان هالطريقه هي اساس النجاح او سبب الفشل كان لقيت المنتديات كلها بمستوى واحد


انا اقوول واكرر واقووول ثاني مره وللمره الالف والاخيره طبعا الخلل ليس هناااا وليس في هذه النقطه

لا احد يفكر اني ادافع عن موقفي وكسلي من ناحية الردود او علشان اكسب ردود زياااده
من الناحيه هذي اقولها وبلافخر يمكن اني تشبعت من الردود وقصايدي سجلت ارقام قياسيه ليست على مستوى المنتدى استطيع ان اقول على النت او تقريبا 0 وماتضجرت انها مثلا هنا سجلت 20 رد و200 قراءه لانها في موقع اخر اجزم بانها تجاوزت هالاعداد عشرة اضعاف

والعضو اللي بيجي يعلق علشان ينتظر رد من صاحب الموضوع 00 هالنوعيه مايشرفني انهم يقرون قصايدي

لانه اصلا رايه اللي كتبه ينتظر مثله كرد جزاء وهالراي اللي يعتمد هالطريقه ما يهمني سوى امتدح او انتقد

واعتقد ماعاد عندي شي اوضحه او ابرر فيه وجهة نظري

ولكن اقول الى الان ما شفت شي ممكن يكون دافع اني اغير وجهة نظري

صحيح انها وجهة نظر خاصه بي ولا تقدم ولا تؤخر


ولكن والله انها حرصاً على المنتدى ولو اني اكبر مقصر معه

بس هالمنتدى لاتفكرون انه مايعني لي شي يمكن لو اجلس مع ضاري بالعطا شرع اخذت نصف المنتدى هههه <--- شكله بينجلد اليووم


للجميع كل الود واتمنى ان انشالله انكم فعلا تقدرون تقدمون شي واتوقع هذا بناء على ما لمسته من حماس لديكم والله يقويكم ويوفقكم انشالله


تحيااتي للجميع [/c]