[راعي العنود]

الرائع دائماً: عبدالله مران .........صح لسانك

وبيض الله وجهك...ياخوي أنت نظمت أحسن قصيده في

مقدمتك وضدقني ياعبدالله إنك سلبت القلوب

بهالمقدمه الرائعه ...هل تعتقد أنه بالشعر فقط

تسلب المحبه لالالالا ياعزيزي محبة الإنسان وأخلاقه

وتواضعه وتواصله مع إخوانه ومحبته لهم ومحبتهم

له هذا هو الكنز الحقيقي ...وانت ياعبدالله مران

أتيتنا بهذا المنتدى وتابعتك وانا كلي سعاده

بسبب وجود شاعر يبني المحبه بالقلوب قبل أن

يبني لنفسه موقع بذاته...فشكراًلك من القلب

وأنت شاعر بلا شك ورائع وقديمك جديد يابوعابد

يمّه وقفت ولا بقى غير المواجع والنصيب
...... وبعض الجروح المقفيه وجروح حلت بي جداد
((يمّه تعبت من الشقا والجروح الطبيب ))
...... يمه خرز هالمسبحة متبعثر بعقلي سماد
يمّه وأنا عيبي كبير ان كان ما هو بألف عيب
...... أضمّد جروحي هنا وهناك ما ألقى ضماد
ان كانت جروحي ردى فيني فلا أقدر أطيب
...... دام الجهات الأربعة متحيزمه سبف الجهاد
يا خوف وجهي والزمن يطلع به الشي الرهيب
...... سواد يطلع له بياض وبياض يطلع له سواد
يمه ظنينك تاهبه دربه وهو دايم يخيب
...... يطرد سراب للأمل يضرب به بكبد الحماد
العمر ولّى وانتصف ما به ولا يوم(ن) يصيب
...... راحت سنيني للتعب والضيق ولباس الحداد
يمّه لقيت ان الخوي ماله لوازيم تجيب
...... الا مواقف مصلحة والكذب وعلوم البراد
يمّه هذيك اللي خذت أحلى مسافاتي تغيب
...... وأكتب أنا بغيابها أثقل عبارات البعاد
يمّه زرعت بصدرها وبصدري القاحل مغيب
...... وقمح(ن) نبت بصدورنا مواسمه تدعي الحصاد
لا هي عطتني كل شي ولا جيتها بمنطق غريب
...... بس انها متردده بين ابتعادي والعناد
يمّه هذيك ديارنا تنطر سحاب(ن) للحسيب
...... والدور قفر وخاليه ويذرابها تراب الفساد
يمّه وهذي قصتي يكبر بها الطفل ويشيب
...... وتكسّر قلوب(ن) قست وتضحك لها افواه الجراد
يمّه طلبتك حاجتين ان كنت أنا عندك حبيب
...... لا تدعي بيوم علي وخلّي جروحي للرماد
بس السؤال المنتهي اليا متى كلّي صويب
......وأنا أسكن جروحي بلد وجروح تسكني بلاد

الله الله ياعبدالله ...الله يخليلك أمك ويطول بعمرها

ياسلام ياسلام والله تعبت أبدور الأفضل لكن كلهن الخير والبركه..

يمه ظنينك تاهبه دربه وهو دايم يخيب
...... يطرد سراب للأمل يضرب به بكبد الحماد


ياسلام على هالتشبيه ياعبدالله روعه


يمّه طلبتك حاجتين ان كنت أنا عندك حبيب
...... لا تدعي بيوم علي وخلّي جروحي للرماد
بس السؤال المنتهي اليا متى كلّي صويب
......وأنا أسكن جروحي بلد وجروح تسكني بلاد

سؤال يصعب الإجابه عليه إلا منك مع تحياتي...