[فيصل الخالد]

اخواني واخواتي اعضاء شعبيات العزيز
السلام عليكم ورحمة الله وبركاته


اتمنى ان تنال هذه المتواضعه على استحسانكم



[poet font="Simplified Arabic,5,white,bold,italic" bkcolor="transparent" bkimage="backgrounds/15.gif" border="double,5,white" type=2 line=200% align=center use=ex length=0 char="" num="0,black" filter=""]
عتاب

ما هو زعل يا مشقي القلب والله
ولاهي جريمة .. كلمةٍ تحمل عتاب =
ليتك تحس بْجرح وقتي وغلّه
وليتك تروف بخافقٍ منك مرتاب =
خل التغلي والدلع عنك خله
عذب المشاعر مايبي خل كذاب =
لاجتك روحي يالغلا مسفهله
قدّر خفوقٍ من عنا حبكم ذاب =
اشوف قلبي للمواجع تتله
تسقيه هجرٍٍ دون تبرير وحساب =
ماكن حبك غير سيفٍ تسله
تركزه في صدري وانا منك منصاب =
وكل ماوسم جرح الهوى فيني عله
قلت الغلا يدمح تباريح الاحباب =
ومع كل هذا خافقي مجلسٍ له
بين المحاني ساكنٍ بد الاصحاب =

[/poet]

وسلامتكم

اخوكم
فيصل بن خالد