[ابونوت]

اخواني اعضاء شعبيات السلام عليكم

لا يخفى عليكم انه مع اول يوم من أيام الوسم وهو يوم الاربعاء العاشر من شهر شعبان للعام الثالث والعشرون بعد الاربعمئة والف للهجرة والموافق 16/10/2002م جائت بشرى من الاخ العزيز هبوب الشمال أخبار مطر ورعد وبرق الله يبشره بالخير 000
طبعا لو كل خبر مطر حطينا له موضوع والمطر يستاهل مواضيع طبعا 00 اعتقد لو حطينا موضوع مستقل لكل خبر كثرن علينا وفات الضيوف اللي يزورون شعبيات الاطلاع على ذلك كذلك و مع رفع المواضيع يتلخبط المتابع ما يدري وش الاخبار الجديدة 00 على شان كذا حطيت الموضوع هذا وأبي اثبته وودي ما يحي عليه تعليق قدر الامكان بس اللي عنده اخبار مطر يحطها ويحط اليوم والتاريخ 00 وكميات الامطار من غزيره 000 متوسطه 000 خفيفه 00 ويحدد المكان الممطور ان امكن 00 من كذا الى كذا 000 كذلك يذكر اسماء الاودية التي سالت 00 وكذلك يذكر اذا كان جايه اخبار مطر بالتلفون او عن طريق المجالس وكذلك اذا اخضرت منطقه وصارت صالحه للنزهه يذكرها 00
لا احب ان اطيل المهم ان الخبر سيكون دائما رائعا بروعتكم مطلا بالبشر مثل طلتكم البهيّة 00
تقبلوا خالص شكري وتقديري سلفا 000
اخوكم ابونوت