[عبدالرحمن المرخان]

[c]أحيانا تكون القصيده سلسله من التناقضات وتجسيد لهموم أكبر من ان تكتب كشعر [/c] [poet font="Simplified Arabic,5,darkred,bold,normal" bkcolor="transparent" bkimage="backgrounds/2.gif" border="ridge,5,indigo" type=2 line=350% align=center use=ex length=0 char="" num="0,black" filter=""]




الخوخ والرمان



ألا يا عزتي للي يقول وخانه التعبير = فتح بيبان فكره والهوى والميل سكرها

وله عبد ٍ غشيم ٍ مايجي عبد الخطا بالخير !! = يكبر له صغايرها وصغر له كبايرها
وكم بصدورنا ( وايل يصيح وينتخي بالزير ) = وصفحات البطوله ما لقت منهو يسطرها
نهد الطير وكم بقلوبنا طير ٍ عجز لا يطير = وكم بصدورنا عبرة قهر للموت نكسرها
وكم بعيوننا دمعه حفظناها من اجل الغير = وكم فرصه تجي وحظوظنا الغبرا تطيرها
نحب التضحيه ونقابل التقدير بالتقدير = وسيرتنا يخلدها الوفا والطيب جوهرها
أزور ضحكتي يانا خبيرٍ حيل بالتزوير = واضيــّع وجهتي وانا احسب اني كنت خابرها
أغير ثوبي الاسود وكل شي يقبل التغيير = ولكن نفسي الشينه وروحي وش يغيرها ؟؟
قصايدنا تجي وتروح وتبقى نكهة التفسير = أفسرها على كيفي قبل يولد مفسرها
تموت الناس وتفنى ومالقينا للحياه أكسير = وكم من طيبة ٍ مع موت بعض الناس نقبرها
وناس ٍ غرها الشيطان وكثرجورهم تكثير = عسى الله بذرة الشيطان وجنده ما يكثرها
بذرت الخوخ والرمان وعفت الثوم والجرجير = وآلذ من العسل يا سعود كلمة خير تبذرها
مادام الله محرم شغلة الرسام والتصوير = قدرت أرسم تفصايل القهر والناس أصورها
أبوح بسري الغالي وسري ما حفظه البير = قهر يا قصة ٍ ماتت وهي في بطن شاعرها ! !


وسلامتكم
عبدالرحمن المرخان
[/poet]