|
صافي العد
من هجوسٍ كنها النار في وسط الهشيم
تضطرم في داخل الجسم كن النار به
شاعرٍ والشعر كنه صراطٍ مستقيم
تفتخر من موقفه عزوته واقاربه
والمراجل كنها اللي من اوصافه عديم
ان شلع والأ هوى له مخالب ضاربه
ماكره روس النوايف يطاول كل غيم
وجهه ابيض هيبته يحتمي به غاربه
والهنوف اللي من اول لها روحي تهيّم
الجفا منها بدأ لي بدون مواربه
غصنها اليانع يلاعب ذعاذيع النسيم
رقصها يغري جموع الطيور الهاربة
والسراة اللي تلاعبّها الغر الغشيم
أن سلم من الحيايا دبت عقاربه
وان لقينا صافي العد نشرب شرب هيّم
وأن تكدر صافي العد يلقى شاربه
وعن غروب الشمس يحكي لنا الليل البهيم
عن حكاية لحظة الشمس وهيه غاربه
ضاعت الحكمة بعد راح لقمان الحكيم
ماتبقى الا حكايات من تجاربه
حمود الصهيبي
|