|
همه الى القمه
السلام عليكم ورحمة الله وبركاته
هذا الشموخ اللي تطاوله الهضاب
سلمان ابن عبدالعزيز اليا طرى
حنا تحَت قبضة يده مثل النصاب
يبشر بوقفتنا لما رِد البرى
وهذا طويق اللي ثبت قدم الصعاب
محمد اللي للوطن عز وذرى
عطى الوطن عمره وهو توه شباب
يمشي بنا قدام والعالم ورى
في رؤيته مجدٍ له تلف الرقاب
يكسر به عيون الحسود اللي ترى
واللي يحسب ان الوطن حفنة تراب
مايستحق انه على وجه الثرى
خايب ويتبع كل من مسعاه خاب
وكرامته مابين بيع ومشترى
حب الوطن يسمو على غر السحاب
مابه معه في داخل القلب خشرى
وحنا جنودٍ للوطن شايب وشاب
من دون حده علموا اللي مادرى
خط احمر وممنوع منه الاقتراب
ويحرم على من يقترب حلو الكرى
اصبح لنا صوتٍ على العالم مُهاب
ومن الفخر وش عاد باقي للورى
يا موطني يا اغلى وطن واطهر رحاب
افديك انا مهما حصل ولا جرى
"همه الى القمه" وشمس بلا غياب
وبارق طموحٍ في سما العزه سرى
سالم بن لجعان
|