شعبيات العشق والجمال الجديد هنا من باب رد الفضل لأهله
لا تزعلين ان ودّع الغصن عصفور
بكره ترف العين بأغلى البشاير
لولاك مختلفه ثقافه وجمهور
ما ازعلت كل مدورات المظاهر
ولولا سواد الليل واشراقة النور
ما اثارت عيونك خيالات شاعر
لو تنثرين الحب بالتربة البور
سنابلك غطت صدور البيادر
لو صف لي كل المزايين بالدور
ورماك ظلم الابجدية بالآخر .!
عينٍ رويتيها احاسيس وشعور
لو حاولوا ما اظن غيرك تناظر
الشعر في غيرك محطم ومقهور
حده مابين الحنجره والمحابر .!
قبلك وانا شاعر مهمش ومغمور
وكسرت بسهامك عناد المنابر !!
جيتك من اقصى الوجد منهي ومأمور
ما تقبليني في عيونك مهاجر؟!
