فمان الله يا ماضيٍ كتب بين الضلوع سطور
فمان الله .. هي غربه معاك وغربه بدونك
تدلت لك عناقيد المحبة وانت ْ أرضك بور
تشح امزونك بقطرة ندى.. يابخلها مزونك
فمان الله يا نبضٍ قضى به.. قلبي المخطور
سنين الهم والغربه .. وحزنٍ دار في كونك
فمان الجرح والصدّه.. فمان الخاطر المكسور
فمان أوقات .. لو مرّت معاك تمر من دونك
تحبينه ؟! ( يقولونه ) وأنا اقول الغلا مدرار
سقا في قلبي زهور الخزامى .. مع نواويره
آمانه من آمان الله .. تلوذ بقربه الأزهار
يذكْرني شذى عطر الزهور شلون تأثيره
كثير اللي نسى حزنه وراح يسفّه التذكار
وآنا كلي وفــا للي كتبته فالورق سيرة
في أوِّل العام الجديد ..
في أوّل سطر ..
يومك عِطر ..
عامَك سعيد ..
وآنا معك طول العُمر ..
شمس وقمر ..
ونجمة تضوّي خطوتك
لو هي بعيد ..
نوف محمد الثنيان
الله يخليكم لنا يا أهل الشعر الحقيقي
اصالتكم وشعبيتكم وتفردكم لم يغيركم
شعراء أسوياء الله يزيدكم من نعيمه
تستاهلون كل الخير