[مساعد بن جميل]

[poet font="Simplified Arabic,5,crimson,normal,normal" bkcolor="transparent" bkimage="backgrounds/6.gif" border="none,4,gray" type=2 line=200% align=left use=ex length=0 char="" num="0,black" filter=""]
لكم بكل الحب وانتم اكبر من اي قصيده


ــــــــــــــــــــــــــــــــــــــــ


مابلت الدنيا ظما ناشف الريق=ولابان بوجيه الرفاقه رفاقه
قل للصديق اللي حدانا على الضيق=لابوه عرف ولعنبوها صداقه
فالصوت نبرات التعاسه مواريق=يامن يرد العلم لاهل العلاقه
ويقول ماللحر غير الشواهيق =لوتعشق سبوقه ثرى ارضه عشاقه
الله خلق للمرجله ناس تليق=بالمرجله وألها لسان وطلاقه
ارواحنا لاهل الوجيه المطاليق=لاشان توفيق الزمان وخلاقه
وحنا لو ان الهم فينا طواريق= نكسر على خطواتنا عظم ساقه
ماننشد الونه عن اقصا المعاليق= الهرج نفهم غايته من سياقه
والى غدا المعنا سوالف واراويق=مانحسد الحلاق فن الحلاقه
كم جملة فيها المعاني تفاريق=تقلع مدى من لاتمنا فراقه
والوقت لا خلا دروبك مغاليق=ترى تباشير الفرج فانغلاقه
قم جر صوت معكسات الطواريق=الموت واحدوالحماقه حماقه
لا صار شمسي تنقري فالمشاريق=مااقول مالي في عنا الوقت طاقه
مانيب من يغفي به الوقت ويفيق=انا بدوي تكفيه حنة نياقه
[/poet]