انا بديت بهالحزن من قبل يفرح به صغير=كم لي وانا تفشل بي افراحي وينجح بي الشجن
مرت سنيني والعروق بدمها شعري غزير=ياما نزفت ولا لقيت بدنيتي من يحتضن
شقيت دربٍ للنبط رغم الوعورة في عسير!=كم عام وآنا اساهره واجابره ابلا ثمن
من كثر ما احبه اخاف بالسو اصبح له سفير=ومن كثر ما اخافه يغشاني في كتاباتي وسن
ابقى لوحدي في تعاتيم الليالي استدير=كني قمر اصبح بديهي شوفته عبر الزمن
امسى لوحده يرتحل ابلا ونيس ولا سمير=ما مره الا خنس الهرج وتشبث بالحسن
اللي ربت ظهر الملامة واستلذ بهالمسير=جفف غصونه ولا لقى من يحتطب حتى فنن
افونس العتمة واجي في وجه خذلاني نذير=واستوطنه قلب النزيه ولا علي من المدن
اللي حثت في وجهي تراب المحاباة المرير=ما عادت الوجهه لها اسكنت في عالي حصن
خاويت اوراقي عسى ف/البال يستغني00فقير=00الحظ لا روّح تجي اوراقه البيضاء كفن