يا نفس هبّي هبّة الحرف للفم = للجنّه اللي عرضها بعرض ذا الكون
يالغالية وإن قلت شاريك وبكم = لقيت غيري باعوا النفس بالهون
يا سوريا ادمعتي العين بالدم = وابكيتي اللي ما بعدهم بيقرون
القصف من فوقك و جيرانكم صم = وانتوا حرقتوا قلوبنا بقول تكفون
يالله رجفه تاخذ النذل وتعم = اعوانه اللي ع النجاسه يوالون
ويا الله تسقيه التهاويل والسم = وتشغل زبانيته عليه ولا يطيقون
ويالله تحرق قلبه إلين يندم = وتشفي صدور اللي بقهرهم يصيحون
ويالله ترحم حال من فاقد الأم = وذوك اليتامى اللي لنصرك ينادون
يا سوريا يا مسكنه خاطري هم = الروح معلوله والجنب مطعون
يالله وعدك تكشف الضيم والغم = وتِعدّني واحد من اللي مخلصون
كلمات / ماجد العساف