لحظني :
جديدي لكل الأحبة هنا ..
( بابا )
الزمن عادته يالقلب الشقاوي
يسرق الضحكات.. من ايتام (بابا)
يالشقي ماعمرها جت بالتساوي ..
لا.. (ولكن تؤخذ الدنيا غلابا)
مانت باول من توسمه المكاوي
وورته دنيا الشقا .. عجباً عجابا
ياتجي مثل السروق وكل غاوي
وغنّ معهم (ميجنا) والا (عتابا)
ياتجي حالك مثل حال الشواوي
مثلنا .. غلبان من ضمن الغلابا
انت تذكر.. ؟
انت تذكر.. عام الأول ياهواوي
يوم اجامل / واتصنّع / واتغابا ..؟
لين ورتني صوادفها البلاوي
وخيّرتني : ياشلافي / يا جنابا
مامنعني غير منّاع العطاوي
وخفت من هيبة كريمٍ لايهابا
لأن هالدنيا ..
كلّ هالدنيا بعيني ماتساوي ..
فرحتي .. لاقالوا اطفالي ( يابابا )
..
المقر بما فيه ..
انا ..!
واستغفر الله
قلت انا ..!