عسى لايمي في حبها بالهـوى ينّـاش
يجيه الذي جاني وسبّب سهـر عينـي
......................................
على شان يدري بِنّْ قرب الوليف انعاش
وبعده عذاب أهل الهـوى والمحبينـي
......................................
فلا يا عذولي كف عذلك وخذها كاش
غلاها سكن في لَ أورده والشرايينـي
......................................
أنا أحبها لو كان قدهي على المحـواش
ولا ظنتـي هـرج العـواذل بيثنينـي
.......................................
حليلاه يا منهو غبش حـزة المغبـاش
على حين غـره والمخاليـق لاهينـي
......................................
لذاك الوليف اللي تولعت به وانحـاش
جفاني كذا مدري على ويش جافينـي
.....................................
غدى دون وصله شوكةٍ تتعب النقاش
وحال الفراق المـر مـا بينـه وبينـي
......................................
وحلمي بقربه ما تحقق وحظـي مـاش
ولا شك نكبة لآدمي حظـه الشينـي
تحياتي للجميع
محبكم ابو بدر
الاثنين 4 رجب 1434