الغيمه اللي من ثمان ايام ماها ما يقيف
............................ مااستاحشت قطره على قطره وجات لحالها
هطالها يشبه لمد كف ابو عبداللطيف
..............................واستغفر الله يوم اشبه دقها بجلالها
على ذلول الشعر خليت السحايب له رديف
.............................. قصرت في حقه وبلغت المزون آمالها
من صاحبه يستثقل النسمه كثرما هو خفيف
.................................. ألنفس ولاثقالها تبشر وهو حمالها
الارض ترسى بالجبال اللي وطا واللي منيف
................................ ومحمد آل الشيخ به مرسى عظيم حبالها
مااكثر من العقل الذي في راسه الحر الشريف
................................ الاكفوف بالعطا مااحد يصد هبالها
له فزعه لاضاقت الدنيا على الحر العفيف
.............................. مااقول مااحد جالها ..واقول ماجا ..جالها
قل للصعاب استفزعي منك الكليف ابن الكليف
.................................. واستوثقي من عقدة الحبل وخذي حلالها
أما الفلوس اللي تعز من الرجاجيل الضعيف
....................................... الله تقاضي بالكرام منها وجا ذلالها
قصيدة فيها من الشعر الكثير
وهي في رجل يستحق الكثير