سريت من عينه على ليل كحله=وامسيت بارض الهجر ذابحني البرد
وسميت نفسي ورد والموت نحله=والنحل يبغى له طريقن على الورد
ابغى ارفع اقدامي من ايدين وحله=لكن جهود الكل تفرق عن الفرد
ناسن تحب الناس بقلوب ضحله=تختار من تعشق على رمية النرد
ذاك الحبيب اللي خذاني برحله=اضما وانا ضامي على خافقي يرد
اهواه واعشق ضيقته وانشرح له=يضحك وانا اسرد له عمر ضحكتي سرد
وهذي النهايه حطني بارض قحله=وقفى وانا اطرد بس مافادني الطرد
ذبلت مثل الورد باسباب نحله=وصويحبي يرمي على غيري النرد