لا بغيت اتروح بس
اترك انفاس عطرك
بين رمشي والجفون
لا تحاتي غربتي
راح اسلي وحدتي
ابـ صوت ذكراك وخيالي
والليالي
اللي اسهرت تنعى غيابك
نامت ابـ حضن الحنين
من سنين
وروحي تترجى وعودك
كلما قربت منك
ما ألاقي إلا صدودك
أحاول أنسى
وافـ زحمة النسيان أقسى
وانطق اسمك
ينهمر صوتي شجن
اشتاق لك واعطش واحن
وتلعب ابـ فكري الظنون
ما تقول لي انت وين؟
طالت ادروب المسافه
والضياع الـ كنت أخافه
صار يغطيني ابـ عيونه
كيف حسسني ضياعي بالأمان؟
كيف خلاني أشوفك
جنة إحساس وحنان!
وانت أقسى إنسان شفته
في حياتي من زمان
روح أتعبني جحودك
دام أعطش في غيابك أو وجودك
روح واتركني لـ حالي
تبقى غالي
وراح أسمي غصتي بك
(قصة الجرح اللي كان)