لحظتي:
مادري وانا اكتب هاللحظه ليش جاء في بالي سعيد بن مقبل وفهد الأحمد
طيوف أحبابي بعيني .. تناعوا
ونمت البارحه .. ماغير اهذري
وحلمت اني مع ناسٍ تشاعوا
ولا.. (مجنون ليلى) .. جاك يجري
يقول : -
(اني أنا العذري فراعوا !
كفاكم ايّها العشّاق .. غدري)
شوي .. الاّ هواجيسي تداعوا!
ورحت انشد : ( الا ياليت شعري )
والا ياليت .. ماشلوا وزاعوا
مواييل الوداع الصبح بدري
ولا ياليت .. ماكالوا وصاعوا
ولا حلوا هنيّا .. وسط صدري
ولا ياليت .. ماشبعوا وجاعوا
عيوني .. واحفروا بالدمع قبري
ولا بالقيظ .. رجليني تساعوا-
- لهم ..وزهابي جروحي وصبري
وكم لوّامتي قالوا واشاعوا
اذا مايدري (المجنون ) يدري ـ
ـ انا (ياقيس ) لو رجعوا وطاعوا
غرامي ماغدي شرواك عذري
تعبت .. اشري رضاهم لين باعوا
رضاي ولا بقى .. صدرٍ لعذري
رمووووووني ..
واطعنووووووني ..
واستطااااااعوا
بغمضة عين .. يكووونني بجمري
غدوا ..
يوم اجرحوا قلبي ولاعوا
وانا من عقبهم .. قفيت اهذري:
( اضاعوني وأي فتىً اضاعوا
ليوم كريهةٍ .. وسداد ثغرِ )
اي والله اضاعوووووني
..
نهاية الحديث
على ذمّة الراوي