إقتباس »
الرسالة الأصلية كتبت بواسطة محمد الدحيمي 
احيان اقول كلام في لحظه سبحان الله ماكون عايش واقعها!
لكن اعيش واقعها بعد سنين واتذكره!!
مادري وشهو هو تنبؤ او ملكوت شعر او مهايط او مادري
لكن يلعن ابو الشعررر لو هو كل مافيني
لحظتي ..
اغنية للحززززن :
الله يجازي هقاوي الطيب والطيبه
يارب .. من صكة الأيام تاقاني
`
يومن يجيك .. ويساومني على الهيبه
ويومن يبين خفايا .. بعض صدقاني
البارحه ..
البارحه واغلب اللحظات تغريبه
شفت المنافي بعيني اجمل اوطاني
دورتني في مكاني من بعد غيبه
تعبت ادوّر مكاني بس مالقاني
وغنيت حزني بلحنٍ ماحد يجيبه
والاّ فلانيب مطرب راعي اغاني
ياحزني ..
ياحزني المبتسّم .. بعيون تبكي به
ياحزني المرتسم .. في ضحكة اسناني
ياحزني المختلف في كل اساليبه
ياحزني المتفق في كل الألواني
لك غبن من طاح من عالي مراقيبه
ولك وجعة اللي ضريرة .. وأم ورعاني
آآهتك .. مثل آهة اللي الموت مقفي به
وندمك .. يشبه كثير لتوبة الزاني
احيان .. فيك الصديق اللي اباري به
وأحيان .. العن فضولي .. واكبر اناني
ياحزن ..
ياحزن.. ياللي يماري بي واماري به
مبطي بعيني .. تدوّر عثرة لساني
وياعين ياللي تخاف الدمع وتعيبه
تكفيييين لا تستفزك ابسط احزاني
الشايب اللي عساني فدوه لشيبه
يقول لي مرةٍ في يوم وصاني:
تبغى تخوّف بعيرك فأضرب العيبه
وان كان ماجيت الأول .. لاتجي ثاني
ترى الرجل لو تبين للعرب عيبه
يضحك به القاصي ويضحك به الداني
تلقى بهالوقت شيخٍ شيّخه جيبه
وتلقى كريم السبال يعيش قوماني
مناّ فضيحه .. ومنّا اكبر مصيبه
يا ذمّة المرتشي .. يا وجه منّاني
ياحزن ..
ياحزن .. مرقاب كبدي كم عوى ذيبه
كن الليالي على صبري تحدّاني
ياللي بوجه النميمه خذتني غيبه
غربتني ليش .. لين اصبحت عنواني
يجي على الحي وقت يمل اصاحيبه
وانته معي .. من وأنا ادرس في سنه ثاني
ورجلٍ تمادت به الأ حزان من طيبه
ماكوده الاّ الدعاء .. يارب تاقاني
....
للحزن اغنية
وللحديث بقيّة ..