طيب خذ يامحمد عندك ذا المقطع
ويزيرنا العساف المخلص عندنا شح بالأراضي
فيه أبيات شلتها لغايه في نفسي :-
قيل السعودي مايعرفك يالفقر
قال الفقر بين الحنايا ساكنين
تـعـال يالـعـسـاف وش عـنــدك خـبــر
شـح الاراضـي ويـن يالعقـل الـرزيـن
كـيـف السـعـودي مامـلـك حـتـى مـقـر
لاتحـسـبـنـا عــــن كــلامــك غـافـلـيـن
الحـر لامـن ضــاق مــن كـونـه شـهـر
وحنا زعلنـا ميـر شعـب(ن) صابريـن
ذا موطـنـي ياملـوكـنـا ويـــن الـمـفـر
يـامـا عـلـى الطـابـور قمـنـا منشـديـن
ياسـارعـي للمـجـد رفـــرف يـاخـضـر
مـن صغـرنـا فــي هالـوطـن متعلقـيـن
لـــو انـشــدك ياهـالـوطـن شـبـر شـبـر
باجدادنـا اللـي فــي ثــراك مجاهـديـن
يامـا علـى شانـك نــزف دم(ن) حـمـر
ومـن صدقهـم حـتـى الوصـيـه كاتبـيـن
حـب الـوطـن وملوكـنـا طــول العـمـر
لا والله الا الاول الـــديـــن الـمــتــيــن
احفادهـم تشـكـي مــن الضـيـم الامــر
وامـوالـهــم لـلـغـيــر تــدبـــل مـرتــيــن
تـدري بـنـا يــا هالـوطـن فيـنـا سـطّـر
لـو تنتخـي ... للمـوت جينـا وارديـن
ياسارعـي للمجـد ... حـنـا فــي حــدر
ويــن العـلـو مـامـن عـلـو ياحاكمـيـن
تكفـى يابـو متـعـب تـرانـا فــي خـطـر
المشـكـلـه فـــي هالبـطـانـه فـاسـديــن
بينـك وبـيـن الشـعـب مـامـدوا جـسـر
شفـهـم يابومـتـعـب علـيـنـا ظالـمـيـن