إقتباس »
الرسالة الأصلية كتبت بواسطة ناصر آل مداوي 
اللـه يــا كــبر الفــرق بيـن المماتين=يا غـــارة الله كيـــف قـــمنا وطـحنا
اللي حجا للدين.. واللي غزى الديـن=هــذا حـــزنّا لــه وهـــذا فــــرحـــنا
أحـْدٍ عـليه الدمــع ما فــارق العين=واحْدٍ عليه الدمع هــلّ وفضــحنا
اثنين بـسّ الفــرق مــا بيـن الاثنـين=مثل الفوارق بين طـــبنا وصـــحنا
موتت مـعمّر فرحه لــكــل مســكين=وموتت وليّ العــهد حــزنٍ ذبحنا
مرحوم ياســلطان غــير الســلاطين=ياللي هبوب الضيم بعــدك لفحنا
ياللـــي تســير الدرب قــدّام ويمــين=للميســره خطــوتك ما قـد لمحنا
يا معــطي المحــتاج يا قاضـي الدين=يا محقق طْموحاتنا اللي طمحنا
يا ماسحٍ دمع الضعوف المســـاكين=ياللــي تضـــمد جــرحنا لانجرحنا
يا ســيدي واللــي خلقنا من الطـين=انّـــا بعـــد فـــرقاك للســـد بحـــنا
ضاقت بنا الدنيــا وضــاقت بنا يديـــن=ولــو نشرح اللي صابنا ما شرحنا
كــنّا بروقٍ تشــعل الغـــيم وتبــين=واليـــوم من بعـــدك ولا عـاد لحــنا
في الظهر جنبيه وفي الصدر سكين=والحــزن بحرٍ هايجٍ به سبحنا
ودعـــتـنـا يامــير والحـــال مـــا بـيــن=مابين شــبنا مـــن وداعــــك ونحنا
روّحـــت يا راع الــوفـــا واللــه يعـــين=وانا اشـــهد انّا معْـــك للقـــبر رحنا
يبــكيك قــلبٍ ضـــاقت بْه الشرايين=وننعـــاك لا رحـــنا ولا من ســـرحنا
وعساك في الجــــنات بين الميامين=قـــومٍ قـــرينا عـــنّهم وانشـــرحنا
تقطف من الداني وتاكـــل من التـين=ونشوفك بحـــلم الكـــرا لاســـترحنا
في روعة الصوره وتشرب من العــين=شوفتك تســـعدنا وتذهــــب ترحـنا
وسلامتكم
مرحوم ياســلطان غــير الســلاطين
ياللي هبوب الضيم بعــدك لفحنا
ناصر كتبت لمن نشاركك حبه وابدعت
ولو ان الحروف لاتفيه حجم مانكنه له
صح لسانك ملايييييييييييييييييييييييييييييييييييييييييييييين ..