كل عام وانتم بالف خير
ابيات متواضعه موجهه لاخوي الشاعر عويد الشهراني
ارجو ان تنال استحسانكم ورضاكم
احسب اني لاهل حايل ما رميت عقالي = احسبه من فوق راسي واثرني راميه
احسب ما غير قلبي طاح لاجل الغالي = واكتشفت ان كل شي طاح له يغليه
لعنبوها يا عويد والدروب طوالي = بين عِبل وبين حايل ليلها ساريه
والبلاء في صورته لا جات عالتمثالي = تستلج افكار راسي من سمو التيه
واتشخص بالمرايه واحسبنه قبالي = واتبسم واتغنى وازهمه وادعيه
بنت عود لابته دايم ترد التالي = زاهب للموت والله لو درى واليه
بس فتنتها تجنني وتبري حالي = شاعره من نسل شاعر والعرب تطريه
تحمل الابيات يمي موجة الارسالي = واتغنى في بيوته والعمر يفديه
ودي اوصف حلاها بس هاك ريالي = والله ان الوصف عاجز ماقدر يوفيه
والله انه لو لمحها بن بديع قالي = يخبر بيوت القصايد كان ما هي فيه
وان شكينا يا عويد من لهوب الصالي = فاعرف اني يا عويد ما قدرت اجيه
ودي بشورك عساك لعقدتي حلالي = واش تقول اطبع قراره او تقول امحيه؟؟؟
اخوكم
يحيى ابن فالح الاحمري