[محمد الدحيمي]

إقتباس »
الرسالة الأصلية كتبت بواسطة سعيد بن مقبل الأكلبي
لحظتي

يالدحيمي لحمة الحاشي مع السنمبوسه
اطيب من الهرفي اللي فطْحته مليانه

لا لقا خشمك مع قْدوم الشهر كم بوسه
فانتبه لاينجرح خشمك من الرمانه

خابرك منتب تودّم كان مابه كوسه
وراعي الخضره مايفتح فالضحى دكانه

انت لك في كل وادي غرْسةٍ مغْروسه
ماتنام الليل لين تشوفها روْيانه

كلبوها حاجتينٍ لوتجيها السوسه
راحت الدنيا على قول العرب خربانه

من يبي يرْكب على الكدلك يعد فلوسه
ومن يبي يرْكب على السيكل يعد اسنانه

انت ياراعي اللسان اللي يحك ضروسه
لاتخليني انقّز / حولك الديّانه


يامخطط .. لاتحسب ان خطّتك مدروسه
والله ان تبطي وكبدك / يابسه ظميانه

مير وش يدريك يالحاشي عن البسبوسة
لا انت ابو غمازتين / ولا تعلْك لبانه

لو تطب ارض الزهور تحوس ابيها حوسه
طعس والحمّيّض عندك .. كنه الريحانه

مير ياملحوس يابو رابعه ملحوسه
اترك ابليس الرجيم وعوذ من شيطانه

لو شوينا بس من لحظاتك المنكوسه
كان قدنا في نعيم من الله وبـ امانه