[فهد الأحمد]

بااااااااااقي يومين ...!! هههههههههه

الله أكبـر يالبعـير اللي قبل يجْـول بقـيده
راح عمره بين ضلع طويق وطعوس الثمامه

هالسنة سـج القدم .. والبيد كله صـار بيده
لاعلى ظهره شداد .. ولاعلى ظهره مسـامه

مابقى لـه فالمقـام إلاّ شعـورٍ في وريـده
غير نظرات الرضا والود وعروش الكرامه

من عرف تمر القصيم أكيد مايجهل (بريده)
ومن نوى ذكر الجبال الشم ما ينسى تهامه

مير ليت أهل القلوب الخضر تقرأ فالعقيدة
قبل هاك المسجد المشهود ما يخطب إمامه

وليتها لا نادت اسم سعـيد ما تنسى سعيده
دامها تسكن خفوق سعيـد وتهيّض غرامه

ودامت إن فياضنا الخضراء مفاليها مديده
والبكار الوضح بالمفـلا تظللها الغمامـة

اقبليني يالقلـوب الخضر من ضمن البديده
واذكريني كل ماناحت على الغصن الحمامة